Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
Ironia e Ramës me Donald Trump, Fatos Lubonja: E papeshuar politikisht se çfarë pasojash mund të ketë
PiranjatPërditësimi i fundit 2 Tetor 2025, 21:23
Analisti Fatos Lubonja ka komentuar ironinë e kryeministrit Edi Rama drejtuar presidentëve Macron dhe Aliyev, në lidhje me ngatërrimin e emrave Shqipëri–Armeni nga presidenti amerikan Donald Trump.
Lubonja e sheh reagimin e Macron-it si të matur, ndërsa batutën e Ramës si një veprim që mund të lexohet në disa mënyra.
Sipas Lubonjës, kjo mund të ketë qenë një shaka spontane pa reflektuar për pasojat politike, ose një sinjal i qëllimshëm për të kërkuar mbështetje nga Evropa përballë një marrëdhënieje të ftohur me SHBA-në.
Fatos Lubonja: Po të shikosh reagimin e Macron, që është president i Francës, një shtet me peshë te madhe, ai qeshi pak nuk qeshi shumë, nuk e ushqeu. Mund të konsiderohet një guxim i madh i një shteti të vogël, po një lider i madh i një shteti të vogël që bën këtë batutë, ndërsa kemi një vend që vasalitetin e vet ndaj SHBA e ka të theksuar. Kjo ishte një batutë që nganjëherë i shpëton nga batuta pa e peshuar politikisht se çfarë pasojash mund të ketë. Ose mund ta interpretojmë si hall me Trump dhe ndihmë nga Evropa. Unë mbetem i hapur, nuk mund ta interpretoj. Duket se opozita këtë si kartën e fundit që i ka mbetur. Është paradoksale që të të shpëtojë Trump nga Edi Rama, është një e papritur e madhe që mund të na lerë me gojë hapur.
