Në fund të shtatorit, kryeministri Edi Rama paralajmëroi se telefoni celular nuk mund të trajtohej më si një derë e hapur p...
POLITIKE
"Iu dhamë kohë"/ KQZ urdhëron heqjen e posterave të partive politike që s'përmbajnë këtë shënim, afati deri të premten në mesnatë
PiranjatPërditësimi i fundit 3 Maj 2023, 16:45
KQZ ka urdhëruar sot heqjen e posterave pa shënimin politikë në të gjithë vendin pasi nuk kanë plotësuar kërkesat e Kodit Zgjedhor.
Në mbledhjen e sotme të KQZ-së një nga pikat për diskutim ishte edhe projektvendim “Për heqjen e materialeve propagandistike që nuk përmbajnë shënimin “Prodhuar nën përgjegjësinë ligjore të….” (vijon emri i subjektit zgjedhor).
Relatorja e këtij projektvendimi u shpreh se posterat në fjalë “nuk përmbajnë shënimin 'prodhuar nën përgjegjësinë ligjore…” të subjektit që e afishon'. Ju dhamë kohë ta vendosnin këtë shënim. Nga verifikimi ynë rezulton se jo të gjitha materialet e përmbajnë këtë shënim”.
KQZ i ka kërkuar Policisë Bashkiake dhe asaj të Shtetit, t’i heqë menjëherë ato, në të gjitha bashkitë e vendit.
“Ne do urdhërojmë të hiqen materialet propagandistike të kujtdo subjekti zgjedhor që nuk përmbajnë shënimin “Prodhuar nën përgjegjësinë ligjore të subjektit zgjedhor…” Deri në orën 24:00 të ditës së premte të kësaj jave do duhet të marrim informacion nga drejtuesit e Policisë Bashkiake dhe të Policisë së Shtetit mbi zbatimin e vendimit”, thekson KQZ.
