"Janë ndërtuar me PPP", Rama: Sa të jem unë këtu, Rruga e Arbrit dhe tuneli i Murrizit nuk do të jenë me pagesë

edi rama

TIRANË- Kryeministri Edi Rama gjatë fjalës së tij në lidhjen live në rrjetet sociale ka folur në lidhje me hapjen e tunelit të Murizit.

Rama teksa po fliste iu përgjigj një komenti të një ndjekësi i cili u shpreh se tuneli i Murrizit ka kushtuar shtrenjt dhe përtej kostove. Ai iu përgjigj duke u shprehur se ky tunel është ndërtuar më PPP dhe çdo kosto shtesë i ka marrë përsipër sipërmarrësi.

Ai theksoi se nuk do të ketë tarifa për rrugën e Arbrit. Rama gjithashtu iu përgjigj një komentuesi i cili shkroi se nuk ka asnjë sinjalistikë. Ai theksoi se tuneli nuk është hapur ende dhe se nesër do të hapet për qarkullim.

"E gjeni dot sa ka kushtuar tuneli përtej kostove. Ky tunel është i ndërtuar me PPP, e gjithë Rruga e Arbrit. I ka dalë taksapaguesve shumë më lirë. Këtu kontrata u bë që çdo gjë të paparashikuar e mbulon sipërmarrësi privat.

Kostot shtesë i mori përsipër sipërmarrësi. Rruga e Arbrit dhe tuneli i Murrizit sa të jem unë këtu nuk do të ketë tarifë. Kjo të jetë e qartë. Standardet e kompanive tona janë të të njëjtave standarde si të kompanive në Europë. "Nuk ka asnjë sinjalistikë". E para nuk është hapur ende për qarkullimin e lirë, hapet nesër," tha Rama.

edi rama