Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
Jep dorëheqjen kryebashkiaku i Matit, Agron Malaj! Pritet të kandidojë për deputet në listat e PS në Dibër
r.llPërditësimi i fundit 11 Mars 2025, 14:28
agron malaj
MAT- Kryebashkiaku i Matit, Agron Malaj ka dhënë dorëheqjen nga detyra. Siç shihet në shkresën zyrtare të mëposhtme, Këshilli Bashkiak i Matit ka njoftuar ditën e nesërme mbledhje të jashtëzakonshme në orën 10.00. Detyra për drejtimin e bashkisë pritet t’i kalojnë zëvendëskryetarit të bashkisë deri në zgjedhjet e reja.
“Ju njoftoj se diten e Merkure, me date 12.03.2025 ora 10.00, ne sallen e mbledhjeve te Keshillit te Bashkise zhvillohet mbledhja e jashtezakonshme e Keshillit te Bashkise me paraqitjen e kerkeses per doreheqje nga Kryetari i Bashkise Mat me shkrese Nr.942 Prot, date 11.03.2025, e thirrur nga Kryetari i Keshillit ne baze te Ligjit 139/2015 si dhe rregullores se keshillit neni 54 me kete rend dite:
- Miratim i doreheqjes se Kryetarit te Bashkise. - Zgjedhje e zevendeskryetarit te Bashkise Mat per kryerjen e detyrave te kryetarit te Bashkise deri ne zgjedhjet e reja.", thuhet në shkresën dërguar këshilltarëve.
Ende nuk ka asnjë reagim nga vetë Malaj, por sipas informacioneve bëhet me dije se do të kandidojë për deputet në listat e PS të Qarkut Dibër, në zgjedhjet parlamentare të 11 majit. Lista e Partisë Socialiste pritet të zyrtarizohet ditën e nesërme në mbledhjen e Kryesisë së kësaj force politike.
