Ndarja e përgjegjësive për punët e shtëpisë mund të ndikojë edhe në kënaqësinë në çift...
POLITIKE
"Ka edhe disa që Allahu na ruajt ne prej tyre!" Ideja për krijimin e shtetit Bektashi/ Rama: Askush s’ka pse i trembet këtij statusi të posaçëm të Selisë së Kryegjyshatës Botërore
M.B.Përditësimi i fundit 25 Janar 2025, 13:07
TIRANA- Kryeministri Edi Rama tha sot se askush nuk ka pse i trembet ides së dhënies së një statusi të posaçëm ndaj Selisë së Kryegjyshatës Botërore. Teksa mori pjesë në një aktivitet ku u përkujtua 95-vjetori i vendosjes së Kryegjyshatës Botërore të Bektashinjve në Shqipëri, Rama tha se të gjithë duhet ta shohin këtë si detyrim për të mos e lënë të vdesë dhe për t'i garantuar vazhdimësinë e jetës, frymës së ngjizur, sipas tij, në fletoren e bektashinjve të shkruar nga Naim Frashëri. Ai shtoi se këtë ua sugjeron analistëve që, sipas tij, përgjithësisht nuk duan të mundohen për të kuptuar.
"Askush që flet shqip dhe që është shqiptar prej vërteti, se ka edhe disa që flasin shqip dhe Allahu na ruajt ne prej tyre, dhe Allahu u bëftë derman mendjes së tyre, por shyqyr Allahut dhe lavdi Zotit janë pak shumë. Askush s’ka pse i trembet idesë së kësaj embleme, të këtij statusi të posaçëm të Selisë së Kryegjyshatës Botërore, përkundrazi gjithkush duhet ta shohë si detyrim për të mos e lënë të vdesë dhe për t'i garantuar vazhdimësinë e jetës, frymës së ngjizur në fletoren e bektashinjve të shkruar nga Naim Frashëri, dora vetë dhe si udhërrëfyes kuptimplotë për këdo që do të kuptojë pa u munduar fare dhe në këtë rast këtë ua sugjeroj analistëve që përgjithësisht nuk duan të mundohen për të kuptuar.
Dhe ngaqë nuk kuptojnë pa u munduar, flasin pastaj shumëçka që është t’ju ridrejtuar Allahut me lutjen që t’ju bëjë derman edhe për mendjen e tyre. Fletoren e Bektashinjve lexohet shpejt dhe për të mos i vendosur shkopinjtë në rrota një karvani që i ka ardhur koha të ndalet dhe të hapë këtë portë të shpëtimit dhe prosperitetit krah për krah me komunitetet e tjera për komunitetin bektashi", tha Rama.
