Kafazi i artë i eksponentëve të krimit? Balla: 20 persona të shpallur në kërkim janë identifikuar dhe ndodhen në Dubai

taulant balla

TIRANË- Ministri i Brendshëm, Taulant Balla tha mbrëmjen e sotme se dhjetëra persona të shpallur në kërkim janë të strehuar në Dubai. I pyetur nëse Dubai mund të cilësohet si "Kafazi i Artë", Balla tha në emisionin "Opinion" se ka tre marrëveshje që janë çuar në Dubai që kanë lidhje me ekstradimin dhe janë në proces. Ai tha se janë me dhjetëra persona të shpallur në kërkim të vendosur në Dubai, ndërsa se 20 prej tyre janë tashmë të identifikuar.

Fevziu: A do jetë Dubai një kafaz i artë?

Balla: Jo nuk do jetë. Dubai nuk ka marrëveshje ekstradimi dhe me ato pak vende që ka, psh me Belgjikën, i vetmi person i ekstraduar është një qytetar shqiptar. I ekstraduar para pak muajsh nga Abu Dabi drejt Brukselit. Ne i kemi çuar tre marrëveshjet, janë në proces vajtje-ardhje mes dy ministrive. Politikisht mund t’ju them që kemi diskutuar për këto çështje dhe kemi dëshirën për ti përmbyllur. Unë kam bërë një bisedë me homologun tim në Abu Dabi dhe i kam thënë që kur bëhet fjalë për krime të rënda ne do ngulmojmë që ti marrim. Ka edhe një moment tjetër, që mund të përdorim deportimin.

Fevziu: Sa persona kemi në që kërkohen në Dubai?

Balla: Nuk e kam bërë një përmbledhje të saktë të numrit, por mund të them që janë me dhjetëra. Kemi 20 persona të konfirmuar që janë të shpallur në kërkim dhe janë në Dubai.

taulant balla