Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
"Kaloi nëpër tavolina një fletë-rrufe!" PPE miratoi Rezolutën e propozuar nga PD/ Rama: Ra boria e humjes diku në Spanjë, ishin mbledhur partitë simotra të kënetës
M.B.Përditësimi i fundit 1 Maj 2025, 09:29
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Rama ka komentuar miratimin e rezolutës dje nga PPE në Valencia të Spanjës, me propozimin e Partisë Demokratike. Ai tha, duke ironizuar, se dje ra boria e humjes diku në Spanjë, ku ishin mbledhur partitë simotra të opozitës.
Sipas ramës anëtarët e opozitës kaluan nëpër tavolina një fletë-rrufe dhe aty, shtoi ai, filloi "avazi" blerje vote me lekë dhe kanabis, punësime elektorale dhe prokurime favorizuese për socialistët, abuzime me detyrën dhe mediat, emërimi legal i kryetarit të bashkisë, kërcënim dhe hetime kundër kandidatëve të opozitës.
"Kemi shumë gjëra për të diskutuar duke nisur nga boria e parë e humbjes që ra dje diku në Spanjë ku ishin mbledhur partitë simotra të kënetës që ju ka mbetur këneta mes tyre dhe s'dinë as ato ç'të bëjnë. Dhe këneta kaloi nëpër tavolina një fletë-rrufe siç ndodh në konferencat e partive dhe aty filloi avazi blerje vote me lekë dhe kanabis, punësime elektorale dhe prokurime favorizuese për socialistët, abuzime me detyrën dhe mediat, emërimi legal i kryetarit të bashkisë, kërcënim dhe hetime kundër kandidatëve të opozitës.
Një mal me broçkulla të dëgjuara sa herë ka pasur zgjedhje dhe të përsëritura sa herë ka pasur humbje. E reja e këtyre zgjedhjeve është se kemi një strukturë të tërë, SPAK që është në terren dhe në zyrë dhe i fokusuar në marrjen e të gjitha denoncimeve që ma ha mendja janë lumë sepse kur lexon këtë fletë rrufe e kupton se duhet mbështetur me denoncime dhe duhen bërë siç janë në stilin e kënetës njësoj si ato të kohës së dikurshme, denonco, fillo presionin vë nën dritën e proshektorëve prokurorët, detyroji që të fillojnë procese deri kur ajo që ti kërkon të marrë trajtën e një hetimi dhe më pas shpall fajësinë ti përpara se të nxjerrë hetimi.
Duke qenë se kam qenë vetë pre e një kallëzimi të rremë jam e qartë se si zhvillohet e gjitha. Por tanimë kemi një institucion që ka treguar se është mbi palët dhe le të verifikojë se ku janë votat që po merren nëpërmjet kanabisit. Sa i përket punësimeve elektorale, kohë para nisjes së fushatës, qeveria ka ndaluar llojet e punësimeve gjë që s’e kërkon ligji, por e ka bërë qeveria”, tha Rama.
