Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Kemi dorëzuar shpatën tek pushteti i drejtësisë", Rama: Synojmë të ulemi në tryezën e BE si të barabartë me të gjithë vendet, përfshirë dhe Greqinë
r.llPërditësimi i fundit 2 Mars 2025, 13:39
edi rama
ATHINË- Kryeministri Edi Rama pas vizitës në panairin e punës në Greqi ka zhvilluar një takim me shqiptarët që jetojnë atje. Gjatë fjalës së tij, kryeministri u ndal tek drejtësia dhe integrimi i vendit në Bashkimin Evropian.
Ai theksoi se për herë të parë që nga shpallja e pavarësisë në 1912, qeveria e udhëhequr prej tij ka dorëzuar “shpatën e drejtësisë” tek një pushtet tjetër. Rama u shpreh se Partia Socialiste do vijojë të mbrojë pavarësinë e sistemit gjyqësor.
“Për atë për të cilën ata thonë, që unë dhe ne duhet të ulim kokën, pikërisht për atë duhet dhe jam kryelartë. Ata që janë të lidhur me pushtetin politik nuk janë të paprekshëm. Një pushtet, ky i ynë, dorëzoi shpatën e ndëshkimit tek një pushtet tjetër. E morën detyrën jo të rrimë të ngrohim vezë, por ta bëjmë Shqipërinë anëtare të BE. Në vetëdijen të plotë, kemi dorëzuar shpatën tek pushteti i drejtësie dhe kemi vënë në dispozicion organizmin tonë.
Vetëm kështu mund të luftojmë korrupsionin seriozisht dhe mund të bëhemi të barabartë me të gjitha ata që na shohin nga distanca dhe që janë në tryezën e BE. Nuk kemi asnjë rrugë tjetër. Ne jemi të vendosur të mos e prekim pavarësinë e drejtësisë. Në jemi të vendosur t’i durojmë të gjithë dhimbjet e padrejta. Qeveria jonë ka një mision: të udhëheqë Shqipërinë. Puna jonë nuk është si gjithë punët e tjera, puna jonë është një mision. Me një gjë nuk negociohet: Japim respekt, duam respekt, ndryshe me ne nuk mund të shkohet më tutje. Këtë e kemi siguruar dhe për ta kthyer në një marrëdhëniet të përgjithshme, na duhet flamuri atje dhe duhet t’ia vëmë vulën kësaj historie me marrjen e statusit anëtar të BE”, theksoi Rama,
Po ashtu, kreu i qeverisë theksoi se Shqipëria synon të ulet në tryezën e vendeve të Bashkimit Europian, si e barabartë me të gjithë, përfshirë dhe Greqinë.
“Të ulemi krah për krah me Greqinë si dy vende të barabarta jo vetëm me zakon por edhe me ligj, jo vetëm me emocion por edhe me vulë. Si ne edhe Greqia të jemi bashkë tek yjet e flamurit të BE-së, ku është momenti historik”, tha Rama.
