“Kemi informuar të gjitha kancelaritë”, Salianji: Kam pasur kontakt me të gjithë ndërkombëtarët në Shqipëri

TIRANA- Deputeti Ervin Salianji është pyetur sot nga gazetarët nëse ka patur komunikim me ndërkombëtarët në vend pas vendimit të djeshë të Apelit. Salianji pohoi se ka patur komunikim me të gjithë ndërkombëtarët. Ai ka shtuar se qëndrimet e tyre nuk i bën dot me dije dhe se për më tepër kanë u dërguar dërguar të gjithë dokumentet zyrtare të çështjes.

"Më të gjithë, për qëndrimet e partnerëve ndërkombëtarë unë mendoj se shprehen ata vetë. Unë nuk kam asnjë tagër për të komunikuar me publikun dhe asnjë qëndrim që nuk është i imi. Unë flas për qëndrimet e mia dhe qëndrimet e PD, për qëndrimet e tjera besoj se secili komunikon dhe flet vetë.

Ne kemi informuar të gjitha kancelaritë, të gjitha ambasadat. Kemi dërguar të gjithë dokumentet zyrtare të kësaj cështje, kemi dërguar dosjen e plotë të manipulimit së bashku me pjesët ku përgjigjimet e prokurorisë faktojnë manipulimine kësja çështje. Kjo nuk është një çështje që lexohet për 10 minuta, këtu do jemi prapë dhe do komunikohet edhe për këtë çështje", tha Salianji.

ervin salianji