“Kemi shtuar listën e barnave të rimbursueshme”/ Rama: Është rritur buxheti për shëndetësinë dhe pagat për uniformat e bardha

Edi Rama

TIRANË- Kreyeministri Edi Rama gjatë fjalës së tij në shpalosjen e programit të PS për zgjedhjet parlamentare foli për sektorin e shëndetësisë. Rama theksoi se është shtuar lista e barnave të rimbursueshme, ndërsa shtoi se është rritur buxheti për shëndetësinë.

Rama gjithashtu u shpreh se që viti që ka marrë detyrën e deri sot çmimet e branave janë ulur me 30%. Ai gjithashtu theksoi se janë 210 mijë pensionistë që përfitojnë 100% barna të rimbursueshme

“Kemi ndërruar thuajse nga e para 400 qendra shëndetësore dhe ambulanca që nuk ishin gjë tjetër veç se hija e vetvetes. Uniformat e mjekëve janë totalisht ndryshe sot. Mjafton të shikoni në çdo qark, shikon historikun e spitaleve. E kemi nisur me qendrën spitalore Sheba në Izrael. Mjekët tanë, një numër i konsiderueshëm janë atje për ta kthyer Onkologjikun në një pikë referimi për t’u bërë krenarë.

Nga viti kur ne morën detyrën, e sot, çmimi i branave janë ulur me 30%. Janë ulur. Pse? Sepse kemi bërë një politike siç jemi zotuar. Kemi dyfishuar fondin për barnat e rimbursueshme. Janë 210 mijë pensionistë që përfitojnë 100% barna të rimbursueshme. Po paga e mjekëve, ishte 410 euro. Në 2025 është 1670 euro”, tha ai.

edi rama