Kërkoi largimin e gjyqtarit të çështjes, Apeli i GJKKO shtyn datën e vendimit për ish-kryebashkiakun e Bulqizës

lefter alla

TIRANË- Gjykata e Posaçme e Apelit do të shpallë në 30 maj vendimin për ish-kryebashkiakun e Bulqizës. Lefter Alla. Shkak është bërë një kërkesë e avokatit të Allës që kërkoi përjashtimin e gjyqtarit Dhimitër Lala. Alla ka apeluar vendimin e GJKKO-së.

Ish-kryebashkiaku i Bulqizës dhe 8 persona të tjerë u gjetën fajtorë nga Gjykata e Posaçme, për akuzat e shpërdorimit të detyrës, shkelje të barazisë në tendera dhe falsifikimit.

Alla u dënua me 3 vite burg por për shkak të gjykimit të shkurtuar do të vuajë 2 vite heqje lirie. Bashkë me Allën është vënë në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.

Këta persona në bashkëpunim me njëri-tjetrin dyshohet se kanë kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë. 

lefter alla apeli i gjkko