Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
VIDEO/ "T'ju vijë turp, bëni propagandë!", Zv. ministrja e Jashtme në Milano, përballet me komunitetin shqiptar: Më filmoni dhe pa leje, nuk jemi përgjegjës për votën e diasporës
M.B.Përditësimi i fundit 21 Maj 2024, 15:31
Artemis Malo
MILANO- Teksa në Milano zhvillohej një event kulturor, disa anëtarë të komunitetit shqiptar atje kanë takuar rastësisht zv. Ministren e Jashtme, Artemis Malo. Me anë të një postimi në rrjetet sociale, Arlinda Lleshi, anëtare e komunitetit shqiptar në Itali ka shkruar se gjatë takimit me zv. ministren, i treguan kësaj të fundit për aktivitetin e tyre që kishte të bënte me të drejtën e votës së diasporës.
Leshi shkruan se zv. ministrja fillimisht i përgëzoi dhe më pas vijoi me narrativën zyrtare se diaspora duhet të regjistrohet fillimisht para se të ketë të drejtën e votës.
Ajo shton se Malo u sugjeroi që ta linin këtë kauzë dhe të bënim diçka më të mirë si për shembull të nisnim një fushatë për regjistrimin e diasporës. Lleshi po ashtu shkruan se ky është një argument i pavlefshëm, sa për të konfuzuar opinionin publik me teknikalitete.
"Në një event kulturor të komunitetit shqiptar në Milano, takuam rastësisht zv. Ministren e Jashtme, Artemis Malo, që është përgjegjëse për diasporën. Sapo kishim ardhur nga protesta dhe u afruam që t’i tregonim për aktivitetin tonë. Ajo foli shumë e s’tha gjë, siç e kanë ves ‘rilindasit’ e rrejshëm. Fillimisht na përgëzoi, pastaj përsëriti bajatshëm narrativën zyrtare se diaspora duhet të regjistrohet fillimisht para se të ketë të drejtën e votës.
Në fund, na sugjeroi që ta linim këtë kauzë dhe të bënim diçka më të mirë, të nisnim një fushatë për regjistrimin e diasporës. Zv. Ministrja pra na sugjeron që ta bëjmë ne punën që presupozohet të bëjë ajo. Me rëndësi të përsëritet se nuk është i nevojshëm regjistrimi i adresës së emigrantëve përmes Gjendjes Civile, siç pretendon qeveria.
Ky është një argument kot sa për të konfuzuar opinionin publik me teknikalitete. I vetmi regjistrim që emigrantët duhet të bëjnë është në KQZ disa muaj para zgjedhjeve për t’u identifikuar si votues nga jashtë. Pyetni Kosovën si bëhet po patët paqartësi", shkruan Arlinda Lleshi.
