Deri në muajin qershor 2026 stoku i numrit të shtetasve të huaj të punësuar në vend arriti në 22,6 mijë individë ...
POLITIKE
Këshilli Bashkiak i Tiranës vendos sot për fatin e Erion Veliajt
PiranjatPërditësimi i fundit 23 Shtator 2025, 09:28
Këshilli Bashkiak i Tiranës do të mblidhet sot në orën 16:00, për të vendosur fatin e kryebashkiakut, Erion Veliaj.
Në mbledhjen, që do të zhvillohet pasditen e kësaj të marte, Këshilli Bashkiak do të shqyrtojë kërkesën për shkakimin e Veliajt nga posti i Kryetarit të Bahskisë së Tiranës.
Erion Veliaj, i pati kërkuar Këshillit që të ishte prezent në këtë mbledhje, për të patur të drejtën e fjalës përpara se të merrej një vendim për fatin e tij, megjithatë përgjigja që mori ishte negative.
Theksojmë se vendimi për propozimin e shkarkimit duhet të marrë të paktën 31 vota pro nga 61 këshilltarët. Pas kësaj, vendimmarrja i kalon Këshillit të Ministrave përmes Prefektit të Tiranës, ndërsa qeveria merr vendimin final për shkarkim.
Në rast shkarkimi nga posti i Kryetarit të Bashkisë së Tiranës, ky do të ishte edhe fundi i karrierës politike për Erion Veliajn, duke vulosur kështu përfundimisht fatin e tij.
Rikujtojmë që Erion Veliaj qëndron në paraburgim me masë sigurie “arrest në burg” që prej 10 shkurtit 2025, kur u arrestua me urdhër të GJKKO pasi akuzohet nga SPAK për 13 akuza, mes të cilave 9 raste korrupsioni.
