Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Këtë mundësi e shfrytëzon vetëm Italia", Rama: Shqipëria nuk merr asnjë euro nga marrëveshja, nuk e kemi bërë për interesa
r.llPërditësimi i fundit 5 Qershor 2024, 14:59
edi rama
SHËNGJIN- Kryeministri Edi Rama teksa po ju përgjigjej pyetjeve të gazetarëve tha se Shqipëria nuk përfiton asnjë euro nga marrëveshja.
Ai tha se gjithçka do të administrohet nga Italia. Më tej shtoi se marrëveshja nuk është bërë për interesa, por sepse kështu funksion raporti mes dy vendeve. Ai u shpreh se këtë mundësi e shfrytëzon vetëm Italia dhe asnjë vend tjetër.
Rama: Shqipëria ka pasur një rrugëtim historik tepër të vështirë dhe aspiron të bëhet pjesë e BE-së. Jemi vend në Europë që mirëpritëm hebrenjtë. Kam lexuar dhe parë në mediat italiane gjëra që as mund t’i imagjinoja. Ne nuk kemi kërkuar asnjë euro për marrëveshjen. Kjo sepse nëse do kërkonim euro, ne nuk do të ishim ne. Nëse do kërkonim euro, nuk do të ishim kjo Shqipëri që jemi. Ne nuk kemi bërë kalkulimin sesi do ndikojë ekonomikisht marrëveshja. Gjithçka administrohet nga pala italiane. Ne kemi dhënë disponueshmërinë e shtëpisë sonë, për një hall që na tha Italia se a na ndihmoni dot. Marrëveshja nuk është bërë për interesa, por për të treguar bujarinë e shqiptarëve. Kështu funksionon raporti special që kemi me Italinë. Ne këtë mundësi që ne kemi mund ta shfrytëzojë vetëm Italia e asnjë vend tjetër, për 1000 e një arsye historike të së sotmes e të nesërmes.
