Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Komisioni i Denzinformimit/ Kryetarja e AMA-s: Mangësia e njohurive digjitale të prindërve shton rrezikun për fëmijët
I.APërditësimi i fundit 16 Tetor 2024, 14:32
TIRANË- Kryetarja e AMA-s, Armela Krasniqi ka folur për rreziqet e njohurive digjitale te prindërit në lidhje me kontrollin e fëmijëve të tyre. Duke folur këtë të mërkurë në Komisionin e Posaçëm për Denzinfomimin në lidhje me edukimin digjital, Krasniqi ka theksuar se mangësia e njohurive digjitale të prindërve shton rrezikun për fëmijët.
Por, në të njëtën kohë ajo theksoi se sa i takon edukimit digjital institucioni, edukimi mediatik kërkon shumë kohë është një sfidë e mbarë Evropës. Ndërkohë, mbledhja ka vijuar pa praninë e anëtarëve të opozitës, të cilët po vijojnë “mosbindjen civile”.
Mimi Kodheli:Kemi shumë probleme në sektorin që ju mbuloni, e vetmja gjë që unë dua të insistoj të paktën që ne nuk e themi është mirëedukimi i qytetarëve, përfshijmë edhe pamundësinë për t’u informuar si duhet. Nuk artikulohet gjëkundi dhe ç’është më problematike diskutimi që do të bëjmë këtu është shumë i gjerë veçse me institucionin tuaj, do të thosha që gjendja e mirëedukimit të qytetarëve është e mjerueshme, po të shikosh disa stacione publike me licencë kombëtare qasja është e ndryshme. Përfaqësuesit e mediave, shoqatat, pensionistët, ne nuk edukojmë përmes televix9onit, edukim nuk janë sot operat, është shumë më shumë se kaq. Në shumë forma, ka kronikë të zezë të frikshme, ka mos edukim të frikshëm, ka dezinformim të frikshëm, nuk flitet për të bukurën, socialen, vullnetarizmin, asgjë që njeriut të jetë i sigurt që të marrë informacionin që i duhet.
Armela Krasniqi:Ne merremi me çfarë bën media dhe më pas, nuk mund të jemi në asnjë moment diktues të asaj që media vendos sepse janë politikat editoriale dhe media është plotësisht e lirë të vendosë në bazë të shikueshmërisë, në bazë edhe të planit të biznesit se cilat emisione do të vendosë, duhet të vijnë në përputhje me ligji organik, media në ligjin ’97-2013 ka disa funksione siç është argëtimi, informimi, jo që ndjej unë si qytetare dhe si titullare e institucionit rreziku që vjen nga media online, kemi nisur një bashkëpunim për të dukur shumë fenomene që shikojeni në platformat. Sa i takon edukimit digjital institucioni, edukimi mediatik kërkon shumë kohë është një sfidë e mbarë Evropës, jemi në diskutim. Do të duhet edukim i të gjithë mësuesve, nuk është një gjë që bëhet vetëm nga ky institucion. Ne e nisëm me pjesën fundore, me kopshtet, vëmë re që ka mangësi të njohurive të aftësive digjitale të vetë prindërve, që po krijon një rrezik që fëmijët janë shumë të ekspozuar përballë rrisqeve që gjenden online.
