Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
Kontrolli i SPAK te Veliaj/ Këlliçi: Ky hajdut banal duhet bërë shembull për brezat që vijnë!
b.zPërditësimi i fundit 15 Janar 2025, 16:19
Erion Veliaj, Belind Këlliçi
TIRANË: Drejtuesi politik i Partisë Demokratike për Tiranën, Belind Këlliçi, ka reaguar pas kontrolleve që janë bërë në ambjentet e kryebashkiakut Erjon Veliaj dhe familjarëve të tij.
Në një postim në rrjete sociale Këlliçi shkruan ndër të tjera: “Pronari faktik i inceneratorit Tiranë, vijon të shkatërrojë provat dhe vjedhë qytetarët e Tiranës, duke shkuar përditë në zyrën të cilën e grabiti me paratë e shtabit elektoral 5D”.
Më tej ai u bën thirrje qytetarëve që të mblidhen sërish ne protestën që do të mbahet para bashkisë ditën e premte në orën 11.
Postimi i Këlliçit:
Të premten shihemi sërish në protestë.
Pas sekuestrimit ditën e djeshme nga BKH të mijëra dokumenteve e kontratave në shtëpinë e “cash-it”, pikturave të lara në flori që vlejnë qindra mijra euro, kreu i 5D dhe pronari faktik i inceneratorit Tiranë, vijon të shkatërrojë provat dhe vjedhë qytetarët e Tiranës, duke shkuar përditë në zyrën të cilën e grabiti me paratë e shtabit elektoral 5D.
Beteja jonë nuk ndalet! Sërish të premte, datë 17 janar, ora 11:00, do të jemi në protestën e 42 para skenës së krimit më të madh financiar që ka parë qyteti ynë, që formalisht quhet Bashkia Tiranë.
Ky hajdut banal, që na u promovua nga PS dhe ndërkombëtarët që na duan të mirën, si modeli i të riut të suksesshëm, duhet bërë shembull për brezat që vijnë!
Kryebashkiaku i Tiranës, Erion Veliaj, është paraqitur në ambientet e SPAK disa herë ku është marrë në pyetje për disa vepra penale. Mëngjesin e 6 dhjetorit me urdhër të Gjykatës së Posaçme kundër Korrupsionit dhe Krimit të Organizuar, oficerët e policisë gjyqësore ushtruan kontrolle në zyrat e kompanisë së bashkëshortes së kryebashkiakut të Tiranës Erion Veliaj, ndërsa më parë i kishin sekuestruar dhe telefonin celular.
Kontrolle u ushtruan dhe në banesën e vëllait të Veliajt. Vetë Prokuroria e Posaçme nuk dha detaje, por u mjaftua të shpjegojë se ka kryer disa “veprime hetimore në kuadër të një procedimi penal”.
Ndaj kryebashkiakut Erion Veliajt ka nisur një hetim pasuror, ndërsa po shihet dhe roli i tij në rastin e inceneratorit të Tiranës si dhe në çështjen e kompanisë “5D”, që zotërohej nga ish-drejtorë të Bashkisë.
