Partia e djathtë gjermane Alternativa për Gjermaninë (AfD) ka kërkuar deportimin e më shumë se një milion refugjatëve,...
POLITIKE
Korrupsioni qeveritar, Himçi: Qeveria ka goditur SPAK-un dhe po mbron zyrtarët e lartë
PiranjatPërditësimi i fundit 28 Mars 2026, 23:22
Deputeti i Partisë Demokratike, Blendi Himçi, ka lëshuar akuza të forta ndaj qeverisë, duke përmendur korrupsion galopant, standardet e dyfishta në drejtësi dhe goditjen ndaj SPAK.
Në një intervistë në Ora News Himçi deklaroi se këto janë arsyet pse, sipas tij, qytetarët duhet të bashkohen në protestën kombëtare të thirrur nga opozita më 17 prill.
Ai pretendoi se qeveria është përfshirë në “mega-skandale” korruptive ndër vite, duke përmendur raste ministrash të dënuar apo nën hetim.
"Reforma në drejtësi, e mbështetur nga partnerë ndërkombëtarë si Shtetet e Bashkuara të Amerikës, nuk ka arritur objektivin kryesor për të çuar para drejtësisë zyrtarët e paprekshëm."
Ai shtoi se, sipas tij, veprimet e mazhorancës kanë kufizuar veprimtarinë e SPAK-ut dhe kanë penguar hetimin e zyrtarëve të lartë.
Akuzat e tij u drejtuan edhe ndaj kryeministrit Edi Rama, për të cilin tha se përdor një gjuhë “brutale dhe arrogante” në deklaratat publike. Himçi pretendoi se në sektorin e infrastrukturës janë abuzuar rreth 1.1 miliardë euro, ndërsa cilësia e rrugëve, sipas tij, është e dobët dhe projektet po realizohen nga kompani pa eksperiencë.
Në fund, deputeti demokrat përmendi edhe atë që e quajti “modeli 5D” i kryebashkiakut të Tirana, Erjon Veliaj, duke pretenduar se ky model është reflektuar edhe në nivel qeveritar.
Ai shtoi se, sipas tij, kompanitë e reja pa eksperiencë po marrin projekte të mëdha infrastrukturore, ndërsa kompanitë me eksperiencë po detyrohen të punojnë si nënkontraktorë.
Kryetari i PD-së, Sali Berisha, deklaroi se Partia Demokratike vijon dialogun dhe takimet intensive me qytetarët, duke u pozicionuar si e vetmja for...
