Kreu i Autoritetit të Konkurrencës ankohet për Erion Veliajn: Pavarësisht kushteve të punës, po bëjmë më të mirën

Denar Biba

TIRANË- Kreu i Autoritetit të Konkurrencës, Denar Biba ka ndarë me qytetarët një shqetësim që përballet çdo ditë në punë, siç është mungesa e kushteve. Me anë të një postimi në Facebook, Biba ankohet për kreun e Bashkisë Tiranë Erion Veliajn, për shkak se nuk i ka ofruar ambiente të bollshme për punonjësit e tij në varësi. Për të bërë një sqarim më të mirë të situatës që ndodhen, Biba ka postuar një foto të dy realiteteve të ndryshme në Tiranë dhe në Poloni.

Ai ka krahasuar me ZMKK në Poloni, ku përveç selisë qendore ka edhe 6 seli të tjera. Ndërkohë në Shqipëri, Biba thekson se është vetëm një kat në një godinë të vjetër që nuk ka kushtet e duhura të punës. Në kushte të tilla, në mungesë të zyrave dhe kushteve më të cilat punojnë, Biba ngre ankesën e tij pasi është Bashkia e Tiranës ajo që kujdeset për mirëmbjatjen e tyre. 

Postimi i plotë:

Ne keto 2 fotot me poshte, shfaqen 2 godina.
Ne te paren eshte selia qendrore e Zyres per Mbrojtjen e Konkurrences dhe Konsumatorit te Polonise, ku punojne mbi 600 punonjes. Kjo eshte vetem nje prej ndertesave, pasi ZMKK ka edhe 6 seli te tjera lokale ne te gjithe Polonine, ku punojne edhe disa dhjetra te tjere.
Ne foton e dyte, duket nje godine qe gjendet ne rrugen “Sami Frasheri, nr.4, Tirane, ku ne katin e 4-t (i shenjuar me ngjyre), kryen funksionet Autoriteti i Konkurrencës se Shqiperise. Bashke me zonjen e pastrimit dhe mua, jemi 49 vete. 7-8 specialiste ne 1 zyre. Por bejne me te miren, pavaresisht kushteve te punes, dhe une vecse i falenderoj!