Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Kreu i SPAK, Altin Dumani: Shqetësimi më i madh nuk janë të shkarkuarit, por ata që janë konfirmuar në detyrë
ZH.LLPërditësimi i fundit 25 Nëntor 2024, 11:38
Altin Dumani
TIRANË- Kreu i Prokurorisë së Posaçme Antikorrupsion, Altin Dumani foli sot në lidhje me vendimet e vetingut, teksa theksoi se po tregohen të kujdesshëm dhe se kanë marrë nën ndjekje penale magjitratë të shkallëve të ndryshme të gjyqësorit.
Dumani vurinë dukje se momentalisht po hetohen gjyqtarë të Gjykatës Kushtetuese, Gjykatës së Lartë, anëtarë të KPA, prokurore të përgjithshëm.
Gjatë një aktiviteti të organizuar nga Komiteti Shqiptar i Helsinkit, Dumani shprehu se shqetësimi i madh i SPAK-ut nuk janë shkarkuarit por ata që janë konfirmuar në detyrë dhe se ky është fokusi kryesor. Sipas Dumanit, këta të fundit mund të kreyjnë akte korruptive pasi ndodhen në sistem.
“Ne nuk kemi qenë të verbër nga organet e vetingut, kemi riregjistruar me iniciative hetime kryesisht për veprën penale të korrupsionit.
Janë çështje që i kemi në hetim dhe jemi të kujdesshëm duke bërë filtrime të vendimeve te vettingut. Sot që flasim SPAK ka marrë nën ndjekje penale, gjyqtarë të Gjykatës Kushtetuese, Gjykatës së Lartë, anëtarë të KPA, prokurore të përgjithshëm. Kemi një numër të madh subjektesh dhe do të vazhdojmë ta bëjmë sa herë do kemi indicie apo të dhëna.
Shqetësimi më i madh nuk janë të shkarkuarit, por ata që janë konfirmuar në detyrë dhe ky është fokusi ynë. Sepse ata janë në sistem dhe mund të kryejnë akte korruptive”, u shpreh kreu SPAK.
