"Krijohen mundësi për 5 mijë vende pune!" “Durana Tech Park”/ Rama: Synojmë të rrisim eksportet dhe të ardhurat tona

TIRANA- Kryeministri Edi Rama ka marrë pjesë sot në eventin për dorëzimin e certifikatave për rezidentët e parë te "Durana Tech Park" ku tha se krijohen mundësi për 5 mijë vende pune. Ai tha se synohet rritja e eksportet dhe të ardhurat brenda dy dekadave, nga kjo iniciativë. Rama shtoi se ndërsa BE është në procesin e rregullimit të kompanive që funksionojnë në këtë fushë, Shqipëria u jep atyre mundësitë e hapësirave.

“Jemi në një bashkëpunim të ngushtë me Francën. Për të krijuar edhe një hapësirë në funksion të BE dhe zhvillim të teknologjisë në Bashkimin Europian, për të krijuar edhe lehtësi, ndërsa BE është në procesin e rregullimit të kompanive që funksionojnë në këtë fushë. Ne ju japim atyre mundësitë e hapësirave.

Synojmë të arrijmë mbi 5 mijë mundësi për punë që do të thotë me paga shumë të larta. Shumë më të larta se pagat tona. Synojmë të rrisim eksportet dhe të ardhurat tona brenda dy dekadave, nga kjo iniciativë. Gjë që e kemi studiuar dhe konfirmuar së bashku me partnerët tanë francez dhe po ashtu synojmë që të ardhurat në buxhetin e shtetit gjatë periudhës që flas të jenë mbi gjysmë miliardë euro”, tha Rama.

edi rama