Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Ktheu Erion Veliajn në detyrë, zbardhet vendimi i Gjykatës Kushtetuese
PiranjatPërditësimi i fundit 3 Nëntor 2025, 18:40
Anëtarët e Gjykatës Kushtetuese kanë vendosur të lënë në detyrë Erion Veliajn si kryetar të Bashkisë së Tiranës.
Pesë anëtarët e Gjykatës Kushtetuese kanë vendosur që Neni 115 i Kushtetutës qëndron me lart se ligji për vetëqeverisjen vendore dhe se kryetari i bashkisë mund te shkarkohet vetëm për shkelje te renda kushtetuese. Për këtë arsye, Kushtetuesja thotë se me vendimin e tij, Këshilli Bashkiak shkeli ligjin me vendimin për shkarkimin e Veliajt.
Kryetarja e GJK Holta Zaçaj ka sqaruar dhe pikat kryesore të vendimmarrjes lidhur me kërkesat e Veliajt, të cilin e ka rikthyer në detyrë me 5 vota pro dhe 3 kundër.
Sipas Zaces, ligji për qeverisjen vendore nuk mund të krijojë norma paralele. Ligji nuk prevalon mbi Kushtetutën. Procesi i nisur nga Këshilli Bashkiak ka qenë i parregullt. Qeveria duhet të vlerësonte nëse Veliaj kishte kryer shkelje të rënda dhe ky është thelbi pse duhet të rikthehet.
GJK i lë hapësirë sërish Këshillit Bashkiak të çelë një procedurë të re për shkarkimin e tij dhe qeveria duhet të provojë sipas nenit 115 të Kushtetutës, se ai ka kryer shkelje të rëndë.
Nëse kjo ndodh që ai t’i provojë shkelje të rënda. Në të kundërt zgjedhjet për Bashkinë e Tiranës mund të zhvillohen vetëm nëse Veliaj dënohet me vendim të formës së prerë nga GJKKO.
