Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
POLITIKE
Kuvendi në seancë plenare/ Balla: Opozita të respektojë rregulloren për mocionet me debat, nuk do të pranojmë kërkesa të shtrembëruara
PiranjatPërditësimi i fundit 16 Tetor 2025, 10:34
Kryetari i Grupit Parlamentar të Partisë Socialiste, Taulant Balla, ka reaguar ndaj kërkesave të opozitës për mocionet me debat, duke theksuar se ato do të refuzohen nëse bien ndesh me rregulloren e Kuvendit. Balla iu drejtua opozitës duke i akuzuar se po sillnin kërkesa të mangëta dhe të shtrembëruara, me qëllim që të shmangnin një debat të vërtetë.
Ai theksoi se Qeveria është e gatshme të miratojë çdo kërkesë të opozitës që të jetë në përputhje me rregulloren e Kuvendit, por refuzoi çdo kërkesë që përbën thashetheme dhe nuk është e bazuar në parimet e diskutimit parlamentar. "Ne mund të bëjmë një mocion me debat për çështjet që lidhen me rrugën tonë evropiane, dhe qeveria ka detyrimin të sjellë raportin. Ky është mocioni i vërtetë me debat," tha Balla.
Ai shtoi se "Ju i sillni kërkesat të shtrembëruara sepse nuk doni debat. Unë nuk pranoj asnjë kërkesë që bie ndesh me rregulloren. Sillni kërkesat sipas rregullores ose nuk do të keni asnjëherë dakordësi."
Balla: Mund të bëjmë një mocion me debat për çështjen që lidhen me rrugën tonë evropiane. Qeveria ka detyrimin të sjellë raporton dhe ai është mocion me debat.
Ju i sillni kërkesat të mangëta dhe të shtrembëruara sepse nuk doni debat. Unë nuk pranoj asnjë kërkesë që bie ndesh me rregulloren.
Kërkesat sillini sipas rregullores ose nuk do keni asnjëherë dakordësi. Duhet të kuptoni diçka, jemi të gatshëm të miratojmë çdo kërkesë që të jetë e bazuar në rregullore dhe të mos sillni thashethemet e tavolinave.
