Lapsusi me datën/ Rama njofton samitin e madh me komunitetin Europian: Cameron ka dhënë mbështetjen për vitin e ardhshëm

Rama

TIRANË- Kryeministri Edi Rama ka deklaruar se Shqipëria mund të jetë pritësja për Samitin e Përbashkët Europian vitin e ardhshëm. Duke folur në konferencën për mediat, Rama theksoi se këtë vit ky samit do të mbahet në Angli në 2 qershor por e ngatërroi datën, pasi takimi do të mbahet më 18 korrik. Rama tha se mes Tiranës dhe Londrës vijon bashkëpunimi për të luftuar kontrabandimin e emigrantëve drejt Britanisë së Madhe.

"Cameron është një avokat shumë i rëndësishëm për proceset transformuese për rajonin tonë. Kemi folur për luftën kundër trafikut të paligjshëm të qenieve njerëzore, ku jemi shumë të kënaqur me rezultatet. Do të godasim këtë trafik edhe në vazhdim, që t’i shkojmë në rrënjë fenomenit, që ka të bëjë me rrjetet e krimit të organizuar. MB ka shprehur interes për të parë përfundimin me sukses të procesit të dialogut mes Kosovës dhe Serbisë, ku ka përparësi dhe ngecje në vend, madje ka raste edhe të kthimit pas. Desha të falënderoj Sunak dhe lordin Cameron, edhe për mbështetjen që kanë dhënë që Shqipëria të bëhet vendi pritës për Samitin e Përbashkët Europian, që do të mbahet këtë vit në 2 qershor, më falni 18 korrik në Londër," tha Rama. 

rama david cameron ne tirane