Gazetarja Anila Hoxha raporton se ai përdori kartën e mikut të mirë dhe tha se i riu ishte shfaqur i shqetësuar për paratë ...
POLITIKE
“Linda Rama, patronazhistja e AKSHI-t”, Berisha: Janë marrë pengje sepse tenderat duhet t’i fitonte Armand Frangu
PiranjatPërditësimi i fundit 23 Prill 2026, 12:15
Sali Berisha deklaroi jashtë ambienteve të parlamentit për mediat se Edi Rama mendon për veten dhe familjen e tij. Ai denoncoi se dosja e AKSHI-t është një nga dosjet më kriminale, duke e lidhur atë me familjen e kryeministrit Rama.
Berisha thekson se AKSHI është agjencia e parë publike e shtetit shqiptar, në garën e të cilës janë marrë pengje disa persona, për shkak të tenderave sepse atu duhet ti fitonte Armand Frangu.
Kreu i PD-së solli në vëmendje dëshminë e biznesmenit Gerond Meçes, i cili sipas Berishës ka deklaruar se “Linda Rama është patronazhistja e AKSHI-t” dhe se “kompania abs nuk është kompania ime, por e Armand Frangut”.
“Jam këtu për të denoncuar sakatimin që po i bëhet dosjes së AKSHI-t. Dosja e AKSHIt është një nga dosjet më të shëmtuara, më kriminale në historinë e vendit. Dosja e AKSHIT është dosja që familja e Ramës dhe Edi Rama kanë grabitur qindra miliona euro. AKSHI është agjencia e parë publike e shtetit shqiptar, në garën e të cilës janë marrë pengje disa persona, për shkak të tenderave sepse atu duhet ti fitonte Armand Frangu. AKSHI është agjencia, të cilës Edi Rama me një vendim qeverie 2017 përqendroi tek AKSHI tenderat kombëtare të fushës së teknologjisë. Dy vite më parë unë kam lexuar një informacion të marrë nga Prokuroria, në të cilën Gerond Mece, i regjistruar i thotë bashkëbiseduesit se kompania abs nuk është kompania ime, por e Armand Frangut, pavarësisht se është në emrin tim dhe se Linda është patronazhistja e AKSHI-t, Linda e Surrelit. Keni parë të thirret ju Linda e Surrelit, është në dosje kjo. Keni parë të thirret Armand Frangu? Keni parë të thirret Edi Rama?! Kemi të bëjmë me një proces, i cili shpërtheu për shkak të meritës së Gerond Meçes, që u arratis në një ambasadë. Është edhe një shtetase tjetër që ka bërë dëshmi”. tha Berisha.
Berisha deklaroi se edhe Daniel Shima ka dhënë dëshmi rrëqethëse: “Edhe Danieli që është një person enigmatik dhe problematik. Por edhe ai sipas disa burimeve mediatike ka bërë dëshmi rrëqethëse. Përqëndrimi mbetet tek Mirlinda, ndaj të cilës Rama u bë avokat publik. A mundet që të dalë një zyrtar i lartë dhe të mbrojë në konflikt të plotë interesi njërën Lindë kur prapa saj fshihej Linda tjetër. Kjo është mashtrim publik dhe dënohet 5 vjet e sipër dhe ne do ta dërgojmë në gjykatë për mashtrim publik. Mashtrim publik me konflikt interes brenda”.
