Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Lirimi e bën të ndryshojë mendimin për SPAK? Berisha: Falenderova gjykatëse për vendimin, nuk ndryshoj mendje për një grup kriminelësh që ndajnë pasuritë
M.B.Përditësimi i fundit 27 Nëntor 2024, 14:46
TIRANA- Kreu i Partisë Demokratike, Sali Berisha tha sot në një konferencë për mediat se kurrë nuk paragjykon një njeri që nuk e njeh. Ai tha se e falenderoi publikisht gjyqtaren që mori vendimin, por nuk ndryshon mendim për ata që ai i quan grup kriminelësh që ndajnë pasuritë e krimit me të pandehurit e tyre. Berisha shtoi se të ndryshojë mendim për një grup që tentoi të blejë heshtjen e tij, as imagjinohet kurrë.
“Kurrë nuk paragjykoj një njeri që nuk e njoh, që s’di gjë për të. Ky është një ligj i pandryshueshëm i jetës time. Në këtë kontekst falënderova edhe gjykatësen për vendimin që mori, ka zbatuar ligjin dhe kushtetutën. Të falënderoj unë apo të ndryshoj mendim për një grup kriminelësh që ndajnë pasuritë e krimit me të pandehurit e tyre, unë atë nuk e bëj kurrë. As pajtohem, as nuk hesht. Të ndryshoj mendim për një grup që tentoi të blejë heshtjen time, as imagjinohet kurrë.
Marr dosjen e fundit. Dy gazetarë me mandate. Njërin e kam denoncuar unë më shumë se kush. Qynon nuk kam dëgjuar për lidhje me krimin. Doni t’u them që si ajo gjykatësja Fetahu a si e kishte, si ajo janë 5 prokurorë të Elbasanit që janë në SPAK sot. Çfarë mund të thoni, se ndryshoj mendim për ta? Ata janë kriminelë si Fetahu. Si njeri që jam marrë me luftën ndaj krimit, duke e vlerësuar si faktor të rëndë për të drejtat e njeriut, arrij në përfundimin se më kriminel se Suel Çela, Bahri Bajri, Troplini, janë mburoja e tyre politike.
Është Taulant Balla. E dini sa kilometra biseda ka Balla, që ja fsheh Altin mercenari me bandën? Vërtet e ka kërcënuar Saimirin, por Taulant Balla ka porositur vrasje, akuzohet për këtë. Një keqbërës, që ka një shëmbëlltyrë psikologjike që e shtyn drejt saj, ai shumëfishohet kur ka një mburojë politike. Ai bëhet më i forti i lagjes e qytetit kur ka këtë mburojë”, tha ai.
