Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
Lufta kundër korrupsionit/ Raporti GRECO-s për Shqipërinë, Rama: Inkurajues për progresin, morëm një tjetër kala
M.B.Përditësimi i fundit 21 Mars 2025, 13:08
TIRANA- Kryeministri Edi Rama mbajti fjalën e tij sot në ambientet e COD ku u prezantua raporti i GRECO-s për Shqipërinë për luftën antikorrupsion. Rama tha se sipas vlerësimit, Shqipëria konsiderohet lider rajonal në politikat kundër korrupsionit. Ai e konsideroi vlerësimin e këtij raporti si një kala të marrë. Gjithashtu Rama tha se raporti i GRECO-s ishte inkurajues për progresin.
“Rëndom qeveritë maten me atë që bëjnë, por meritën kryesore e kanë për atë që nuk lejojnë të ndodhë. Ajo që qeveria nuk lejon të ndodhë, mund të vlerësohet vetëm duke hyrë më thellë dhe duke sonduar, themelet në të gjitha fushat. Sot më vjen mirë që jemi për këtë raport domethënës dhe inkurajues për progresin që kemi bërë, një tjetër kala që marrim. Kur kemi nisur këtë rrugëtim raportet ishin problematike dhe ky raport vjen pas atij të sigmës, pak kohë më parë që na dha shumë energji pozitive dhe shumë arsye, për t’u ndjerë edhe më të motivuar, duke e renditur Shqipërinë të parën për integritetin e prokurimeve publike, të parën në rajon për menanxhimin financimeve publike dhe administrimin e burimeve njerëzore me diferencë nga vendi i dytë. Një tjetër raport domethënës na dha energji, ishte ai i një ndër indekseve më të respektuara, ku shkruhet që nga vendi më i korruptuar në Europë në 2012 sot renditet si nga 8 shtetet me progresin më substancial të dekadës së fundit. Shqipëria ka performuar më mirë në të gjithë treguesit, krahasuar me të gjitha matjet e bëra më parë. Përmirësimi i shpejtë në cilësinë e qeverisjes, e renditur në 3 vendet me përmirësimin më të madh”, tha Rama.
