Mbledhja e Asamblesë së Përgjithshme të OKB-së, Hasani: Shqipëria, e përkushtuar të mbështesë paqen dhe sigurinë ndërkombëtare

NEW YORK- Ministri për Evropën dhe Punët e Jashtme, Igli Hasani ka ndarë disa pamje në rrjetet sociale nga debati i Asamblesë së Përgjithshme të OKB-së. Hasani thotë se Shqipëria është e përkushtuar të mbështesë paqen, sigurinë ndërkombëtare dhe Agjendën 2030 dhe të vijojë angazhimin në mbrojtjen e të drejtave të njeriut. Ai ka shtuar se Shqipëria do të vazhdojë të fokusohet në përgjegjësinë për krimet në Ukrainë.

“Në Nju Jork nisi sot debati i përgjithshëm i nivelit të lartë të Asamblesë së Përgjithshme të Kombeve të Bashkuara. Shqipëria është e përkushtuar të mbështesë paqen, sigurinë ndërkombëtare dhe Agjendën 2030 dhe të vijojë angazhimin në agjendën e grave, paqes dhe sigurisë, duke mbrojtur të drejtat e njeriut.

Si një trashëgimi e punës në Këshillin e Sigurimit, Shqipëria do të vazhdojë të fokusohet në përgjegjësinë për krimet në Ukrainë, do të përforcojë ndihmën humanitare dhe do të promovojë një sistem multilateral më efektiv”, ka shkruar Hasani.

igli hasani