Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
POLITIKE
Mbledhja e krerëve të qarqeve në selinë blu/ Protesta e 29 tetorit do të shtrihet në disa qarqe, vendoset për bllokimin e rrethrrotullimeve
M.B.Përditësimi i fundit 25 Tetor 2024, 21:01
TIRANA- Pasditen e sotme krerët e qarqeve të Partisë Demokratike u mblodhën në selinë blu ku në fokus të diskutimeve u mësua se ishte protesta e 29 tetorit. Gjithashtu nga kjo mbledhje është mësuar se si orar i nisjes së protestës është caktuar ora 17:00 ndërsa sa i përket organizimit, do të shtrihet në disa qytete.
Po ashtu bëhet me dije se demokratët kanë vendosur të bllokojnë rrethrrotullimet kryesore në Shqipëri. Pas arrestimit të Presidentit të Partisë së Lirisë, Ilir Meta, kreu i PD-së Sali Berisha informoi për mbajtjen e një proteste më 29 tetor.
Pasi njoftoi gjatë mbledhjes së Kryesisë së Partisë Demokratike, të hënë, protestën e radhës më datë 29 tetor, kreu i kësaj force politike, Sali Berisha tha se kjo është data e paralizës së plotë të Shqipërisë.
Ai shtoi se data 29 është dita e mosbindjes së madhe civile, dita e vazhdimit të betejës. Ai gjithashtu, ftoi qytetarët që t'i bashkohen kësaj proteste. Gjithashtu Sekretari i Përgjithshëm Partisë së Lirisë, Tedi Blushi, ka deklaruar se PL-ja do t’i bashkohet protestës së PD-së për mosbindje civile.
