Mbledhja e partive opozitare në selinë e PD-së/ Noka: Regjimi i Ramës i bazuar fund e krye në drogë, krime dhe korrupsion

TIRANA- Federata e Opozitës po zhvillon takim në selinë e Partisë Demokratike. Takimi po drejtohet nga Sekretari i Përgjithshëm i PD-së, Flamur Noka, ndërsa Partia e Lirisë përfaqësohet me Tedin Blushin, Sekretar i Përgjithshëm i kësaj partie. I pranishëm në takim është edhe Agron Duka i PAA, kryetar i Partisë Balli Kombëtar Adriatik Alimadhi, Vangjel Dule i PBDNJ dhe kreu i PDK-së, Nard Ndoka.

Në fjalën e tij, Sekretari i përgjithshëm i PD-së, Flamur Noka tha se Federata e Opozitës së bashkuar mblidhet sot për të analizuar gjendjen e rëndë politike në të cilën kryeministri Edi Rama, sipas tij, ka futur vendin prej 3 vitesh. Ai shtoi se regjimi i Ramës i bazuar në drogë, krime dhe korrupsion. Sipas Nokës, synimi kryesor ishte institucionalizimin e mafies në pushtet.

“Federata e Opozitës së bashkuar mblidhet sot për të analizuar gjendjen e rëndë politike në të cilën Rama dhe narko regjimi e kanë futur vendin tonë prej 3 vitesh. Opozita është nën një agresion të pandalshëm. Në 3 vite Ram ka bërë gjithçka për të likujduar opozitën. Regjimi i Ramës i bazuar fund e krye në drogë, krime, korrupsion, synimin kryesor kishte institucionalizimin e mafies në pushtet. Që të mos kishte asnjë zë të denonconte lidhjet e Ramës me trafikun e drogës”, tha Noka.

opozita