Mbyllet numërimi i votave për qarkun e Tiranës, Xhaçka i merr mandatin Gjylametit! Jashtë Parlamentit Majko, Kodheli, Bushka, Ndreca e Gogu

TIRANA- Ka përfunduar procesi i numërimit të votave për kandidatë për qarkun e Tiranës. Bazuar në rezultate, mes socialisteve, Olta Xhaçka i ka marrë mandatin Blerina Gjylametit me një diferencë tepër të ngushtë prej 2 votash. Xhaçka ka marrë 5806 vota, ndërsa Gjylameti numëron 5804 vota.

Jashtë Parlamentit kanë mbetur emra të njohur të Partisë Socialiste si Pandeli Majko, Mimi Kodheli, Xhemal Qefalia, por edhe Toni Gogu, Plarent Ndreca, Ermonela Felaj, Etilda Gjonaj dhe Klotilda Bushka.

Nga ana tjetër, kandidati më i votuar në listën e hapur të Tiranës për PS-së është Blendi Gonxhja, me 22398 vota, i ndjekur nga Erion Braçe me 21364 vota, dhe ministri i Brendshëm, Ervin Hoxha me 19113 vota.

Në zgjedhjet Parlametiare të mbajtuara një javë më parë, Partia Socialiste dhe Edi Rama fituan mandatin e katërt, duke marrë 83 deputetë, PD 50 mandate, PSD 3, Mundësia e Agron Shehaj siguroi dy vende në Parlament, ndërsa Nisma Shqipëria Bëhet dhe Lëvizja Bashkë nga një deputet.