Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Me aq dashnorë sa ka Rilindja..."/ Gjekmarkaj për votat e Greqisë: Është e pamundur! Duket se kutitë janë mbyllur nga e njëjta dorë
m.lPërditësimi i fundit 17 Maj 2025, 14:24
TIRANA- Drejtuesi politik i qarkut Lezhë, Agron Gjekmarkaj ka reaguar ashpër lidhur me mënyrën se si po trajtohet vota e shqiptarëve të diasporës e ardhur nga Greqia për zgjedhjet e 11 majit. Në një deklaratë për mediat, Gjekmarkaj tha se është një grabitje e vetëdijshme pasi sipas tij, duket se kutitë janë mbyllur nga e njëjta dorë. Ai shtoi se është e pamundur që trendi që është brenda Lezhës të përmbyset me votat e Greqisë me 80% në favor të PS-së. Gjekmarkaj vazhdoi duke thënë se me aq dashnorë sa ka Rilindja në Greqi, ata mundin dhe Partinë Komuniste të Kinës.
"Ajo që po shoh me votat e Greqisë, termi "masakër" është një term i butë. Është një grabitje e vetëdijshme dhe po t’i shikosh me vëmendje kutitë, duket se kutitë janë mbyllur nga e njëjta dorë, edhe nga shenjat. Nuk ka asnjë arsye që trendi që është brenda qarkut të Lezhës të ndryshojë në Greqi, e cila përmbyset me 80% në favor të PS-së në raport me PD-në, sepse njerëzit tanë janë shpërndarë në atë mënyrë ku ne i dimë se ku i kemi.
Një shoqëri primitive që nuk ka shtet, nuk ka administratorë, ai që është më i fortë, që ka ligjin e xhunglës, ia merr tjetrit haptazi dhe ia përplas duke ia numëruar në fytyrë, me atë që ka ndodhur në Greqi. Nëse në vende të tjera do ketë pasur një gërshetim të elementëve që u përmendën, besoj se në Greqi janë marrë refugjatë, kutitë janë mbushur me fleta dhe i kanë sjellë këtu.
Është e pamundur të ketë logjikë këtu, nuk ka fare logjikë. Ndjenja është "pro PD" por ky është një vullnet i dy a tri individëve për të mbushur plot me vota për Rilindjen. Me aq dashnorë sa ka Rilindja në Greqi, ata mundin dhe Partinë Komuniste të Kinës", tha Gjekmarkaj.
