Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
"Me Ramën zgjedhje nuk ka, ka vetëm mandate të vjedhura", Berisha: Sot Shqipëria ka më nevojë se kurrë për intelektualë të vërtetë, që u flijuan për të vërtetat e mëdha të Shqipërisë!
n.fPërditësimi i fundit 10 Gusht 2024, 21:22
Berisha
TIRANË- Kreu i Partisë Demokratike, Sali Berisha ka mbajtur fjalën e tij para mbështetësve të mbledhur poshtë ballkonit të tij. Gjatë fjalës së tij Berisha tha se sot Shqipëria ka më nevojë se kurrë për intelektualë të vërtetë, që u flijuan për të vërtetat e mëdha të Shqipërisë.
Ai shtoi se sot për çdo shqiptar kushtrimi i Havzi Nelës, thirrja e shpirtit të tij është më e mprehtë, më therëse se asnjëherë. Berisha theksoi se sot sakrificat e Havzi Nelës dhe të gjithë atyre mijëra të tjerëve që ranë për fjalën e lirë, për besimin tek Zoti, për besimin tek Shqipëria, për besimin tek familja, është më emergjente se kurrë, më frymëzuese se kurrë.
"Miqtë e mi! Sot sakrifica sublime e Havzi Nelës është më frymëzuese se kurrë. Sot Shqipëria ka më nevojë se kurrë, për intelektualë të vërtetë, ka nevojë më shumë se kurrë për intelektual të frymëzuar nga Havzi Nela, nga Vilson Blloshmi, nga Genc Leka, nga kollosë shqiptarë që u flijuan për dinjitetin e tyre, u flijuan për të vërtetat e mëdha të Shqipërisë dhe shqiptarëve.
Sot për çdo shqiptar kushtrimi i Havzi Nelës, thirrja e shpirtit të tij është më e mprehtë, më therëse se asnjëherë. Sot sakrificat e Havzi Nelës dhe të gjithë atyre mijëra të tjerëve që ranë për fjalën e lirë, për besimin tek Zoti, për besimin tek Shqipëria, për besimin tek familja, është më emergjente se kurrë, më frymëzuese se kurrë.
Sot shqiptarët çdo minutë, çdo orë duhet ti falen Zotit dhe himnit të tyre kombëtar; ja të vdesim ja të rrojmë për liri. Ky është lajtmotivi i guximtarëve në të gjitha kohërat, i atyre që duan të jetojnë me liri dhe dinjitet, i atyre që duan të punojnë, luftojnë për të ardhmen e tyre dhe vendit të tyre," tha Berisha.
Ai më tej gjatë fjalës së tij shtoi që të mos mashtrojmë shqiptarët, por tu themi të vërtetën, se me Edi Ramën zgjedhje nuk ka. Sipas tij me Ramën ka vetëm mandate të vjedhura.
"Ftoj qytetarët shqiptarë, ftoj të gjithë spektrin politik të vërtetë opozitar të dalë në sheshin e burrave, në sheshin e luftëtarëve. Të mos mashtrojmë shqiptarët, por tu themi të vërtetën, se me Edi Ramën zgjedhje nuk ka. Se me Edi Ramën ka vetëm mandate të vjedhura.
Se me Edi Ramën ka vetëm Kristaq Rama, ka vetëm xhelatë, ka vetëm armiq të egër të lirisë së shqiptarëve. Ndaj dhe duke e nderuar sonte këtë martir të pavdekshëm të fjalës së lirë, mendimit të lirë, le të zotohemi ne për betejë të pandalshme, betejë të pandalshme gjer në krijimin e qeverisë teknike, zgjedhje të lira, pushtetin me votën e shqiptarëve, fitoren e opozitës, fitoren e demokracisë. Rikthimin e demokracisë në Shqipëri. Rrofshi ju, rroftë Shqipëria! Fitore, fitore, fitore!," përfundoi fjalën e tij Berisha.
