Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Me ujin e pijshëm dhe me pensionet nuk po punon mirë", Rama i përgjigjet komentuesit: Kjo qeveri bëri që pensionistët të marrin dy bonuse, opozita iu premton qilima fluturues
r.llPërditësimi i fundit 11 Janar 2025, 10:28
edi rama
TIRANË- Kryeministri Edi Rama iu është përgjigjur pyetjeve të komentuesve në profilin e tij “Facebook” në rubrikën “Sy më sy”. Në komentin e zgjedhur, kryeministrit i kërkohet t'i kushtojë më shumë vëmendje dy çështjeve të rëndësishme siç janë furnizimi me ujë të pijshëm dhe pensionet.
“Të lumtë z. Kryeministër, avash, avash po e rregullon Shqipërinë, por me ujin e pijshëm dhe me pensionet nuk po punon mirë. Vëri një vëmendje më të madhe këtyre dy çështjeve kryesore për popullin dhe pensionistët respekoi më shumë”, thuhej në koment.
Në përgjigjen e tij, Rama shprehet se qeveria socialiste ishte ajo që bëri reformën e pensioneve dhe mundësoi që pensionistët të marrin dy bonuse në vijim. Gjatë fjalës së tij, nuk kurseu dhe ironinë për opozitën ku tha se iu premtojnë "qilima fluturues" pensionistëve. Sipas tij, këto të fundit nuk e harrojnë se "kush e bëri Shqipërinë lesh e li".
"E mira ska fund dhe borxhi i kësaj shoqërie ndaj pensionistëve, qoftë atyre që jetuan diktaturën, qoftë atyre që jetuan rrumpallën pa shtet të viteve të tranzicionit, nuk lahet kurrë. Por nëse ka një qeveri që ka bërë dhe mund të bëjë akoma më shumë për pensionistët, është vetëm kjo qeveri e PS. Ishte kjo qeveri që bërë reformën e pensioneve dhe mundësoi që kush ka dalë në pension 10 vitet e fundit të ketë një pension të konsiderueshëm më të lartë se kush ka dalë më parë. Është kjo qeveri që u dha pensionistëve, pak javë më parë plot 10 milionë euro si bonus për vitin e ri dhe do t'ju japë për herë të parë një bonus të dytë në pranverë dhe do të mbajë dy bonuse në vijim.
Këto janë fakte kuptimplota të kujdesit të vazhdueshëm për pensionistët. Ata që s'kanë dhe s'do kenë asgjë në dorë që nga një katran i madh tek ca katranë të vegjël pa cipë dhe pa nishan ofrojnë për pensionistët qilima fluturues. Qilima si trashëgimtarë të denjë të politikave ekonomike të Sudes dhe Xhaferrit. Por mos ta harrojë askush, pensionistët, e para nuk e harrojnë se kush e bëri Shqipërinë lesh e li, e dyta e ditën aritmetikën më mirë sesa Lulat e ri. Dhe e treta e kanë më të qartë se kushdo tjetër qe ne nuk jemi më të mirët, por më të mirë se ne ky vend as ka pasur as nuk gjen dot për nja 10 vjet tjera pa diskutim", shprehet Rama në përgjigjen e tij.
