Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
Media italiane: E parashikuar për në datën 20 maj, shtyhet hapja e qendrave të emigrantëve në Shqipëri
M.B.Përditësimi i fundit 9 Maj 2024, 10:18
Foto ilustruese
LEZHA- Agjencia italiane e lajmeve ANSA ka shkruar se është shtyrë hapja e qendrave të emigrantëve që ishte planifikuar të ndodhte më parë më 20 maj. Sipas artikullit, inxhinieri ushtarak italian që punojnë në kantieret e Shëngjinit dhe Gjaderit, sipas marrëveshjes ndërmjet Romës dhe Tiranës, nuk kanë përfunduar ende ngritjen e objekteve. Artikulli shton se kontratën për menaxhimin e objekteve për 24 muaj e ka fituar kooperativa Medihospes me një ofertë prej 133.8 milionë euro.
Marrëveshja e promovuar nga qeveria e Ramës dhe Melonit dhe e kontestuar ashpër nga opozita shqiptare dhe ajo italiane, parashikon se në territorin shqiptar do të ndërtohen struktura për të akomoduar azilkërkuesit që kanë mbërritur në bregdetin italian ose janë shpëtuar në det.
Është shtyrë hapja e qendrave të emigrantëve në Shqipëri, e cila ishte planifikuar për 20 maj, sipas asaj që mësojmë. Inxhinieri ushtarak italian që po punon në kantieret e Shëngjinit dhe Gjaderit, bazuar në marrëveshjen mes Romës dhe Tiranës, nuk ka përfunduar ende ndërtimin e strukturave.
Ka qenë njoftimi i marsit të kaluar nga prefektura e Romës për caktimin e shërbimeve të pritjes që ka vendosur funksionimin e tyre “jo më vonë se data 20 maj 2024”.
Nisja duhet të konfirmohej nga Ministria e Brendshme me 15 ditë njoftim. Ndërkohë kontratën për menaxhimin e objekteve për 24 muaj e ka fituar kooperativa Medihospes me një ofertë prej 133.8 milionë euro.
