Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Mesazhet me Bushkën, reagon ish-kryetarja e KLGJ, Naureda Llagami: Të pavërteta dhe të fabrikuara
M.B.Përditësimi i fundit 19 Mars 2025, 10:39
TIRANA- Ish-kryetarja e Këshillit të Lartë Gjyqësor, Naureda Llagami ka reaguar pas publikimit të bisedave të cilat thuhet se janë bërë mes saj dhe deputetet socialiste, Klotilda Bushkës lidhur me aktivitetet e Prokurorisë së Posaçme. Në reagimin e saj Llagimi i mohon këto biseda duke thënë se janë të pavërteta dhe të fabrikuara. Ajo shton se komunikimet në fjalë nuk kanë ndodhur kurrë dhe, kjo sipas saj është lehtësisht e verifikueshme.
Llagami thotë se këto mesazhe janë shpërndarë në mënyrë anonime në media të ndryshme nga një person i cili prej një viti e ka përndjekur në platformat sociale "LinkedIn" dhe "Facebook", duke postuar materiale që cënojnë rëndë reputacionin e saj. Ajo thekson se për këtë do të ndjek rrugën ligjore.
Reagimi i plotë i Llagamit:
Të nderuar miq, kolegë, bashkëpunëtorë, përfaqësues të medias, qytetarë, e ndiej të nevojshme të reagoj sërish ndaj disa artikujve të publikuar ndaj meje.
Në përmbajtjen e tyre janë publikuar komunikime elektronike me znj. Bushka të cilat nuk kanë ndodhur kurrë por janë fabrikuar, fakt që është lehtësisht i verifikueshëm. Ato janë shpërndarë në mënyrë anonime në media të ndryshme, nga i njëjti person që në mënyrë të vazhdueshme vitin e fundit, më ka përndjekur në platformat sociale “Linkedin, Facebook”, duke postuar materiale që cënojnë haptazi dhe rëndë figurën dhe imazhin tim.
Ky person ka fabrikuar gjithashtu komunikime imagjinare për ndikime në sistem, për të cilat është proceduar penalisht për “kallëzim të rremë” dhe “falsifikim të dokumenteve”, dhe pezulluar nga KLGJ (gjatë kohës që unë isha kryetare e KLGJ).
Vlerësoj nevojën për të dhënë këtë sqarim, pasi në 5 vjet që kam drejtuar KLGJ, jam përpjekur së bashku me koleget e mi, të krijojmë një model ndryshe qeverisje të sistemit gjyqësor. Për të gjithë sa sqaroj më sipër, do të ndjek rrugën ligjore.
