"Ministrat e Jashtëm të BE-së mbështesin anëtarësimin e tyre", Kaja Kallas: Shqipëria dhe Mali i Zi po bëjnë hapa të rëndësishëm me reformat integruese

kaja kallas

LUKSEMBURG- Shefja e Politikës së Jashtme të Bashkimit Europian, Kaja Kallas ka mbajtur një konferencë për shtyp pas takimit të ministrave të Jashtëm në Luksemburg.

Kallas tha se vendet e Ballkanit Perëndimor, përveçse gjeografikisht, duhet të jenë edhe pjesë e familjes europiane. Për këtë ajo tha se është shumë i rëndësishëm procesi i integrimit. Shefja e diplomacisë europiane u shpreh se Shqipëria dhe Mali i Zi po bëjnë hapa të rëndësishëm domethenës me reformat integruese. Kallas shprehu besimin në suksesin e tyre drejt anëtarësimit. 

Lidhur me dialogun Kosovë-Serbi, ajo tha se duhet ecur përpara për normalizimin e marrëdhënieve mes dy vendeve. 

“Kam takuar kryediplomatët nga Ballkani Perëndimor. Edhe në takimin e ministrave të Jashtëm ne e bëmë të qartë se stabiliteti në këtë rajon është thelbësor. Nëse shikoni hartën, këto vende janë gjeografikisht në Evropë. Ato duhet të jenë pjesë e familjes sonë evropiane, ndaj procesi i integrimit është shumë i rëndësishëm për këtë. Vëmë re se Shqipëria dhe Mali i Zi po bëjnë hapa të rëndësishëm domethenës me reformat integruese. Jam e bindur se këto dy vende do të jenë histori suksesi në këtë proces. Ne duhet të ecim më shpejt drejt anëtarësimit të tyre në BE. Ne gjithashtu duam të ecim përpara me dialogun ndërmjet Kosovës dhe Serbisë. Shumë prej ministrave deklaruan se çdo pjesëmarrje në paradën e 9 Majit në Moskë do të ishte kundërproduktive për palën serbe”, tha Kaja Kallas.

kaja kallas luksemburg integrimi ne be