"Propaganda e Belindës në fermat e luleshtrydheve, cinike dhe kriminale", Bardhi: Nuk mund të mbulohet dështimi! Në 11 Maj fermerët votojnë për P

foto e postuar nga bardhi

FIER- Drejtuesi politik i PD në qarkun Fier, Gazmend Bardhi thotë se zëvendëskryeministrja dhe njëkohësisht drejtuesja e PS-së në të njëjtin qark, Belinda Balluku po bën propagandë cinike me fermerët shqiptarë të luleshtrydheve në zonën e Kafarajt në Fier.

Përmes një postimi në rrjetet sociale, Bardhi shprehet se në vend që t’u japë zgjidhje fermerëve që protestojnë për zhvlerësimin e punës së tyre nga luleshtrydhet me pesticide të importit, Balluku bën sikur nuk ka ndodhur asgjë pak ditë më parë

Sipas Bardhit ky është dështimi i radhës i qeverisë në bujqësi, dhe kjo gjë tashmë nuk mund të mbulohet më me propagandë. Ai thotë se fermerët më11 maj do të votojnë për PD-në dhe subvencionimin e prodhimit. 

POSTIMI I PLOTË: 

E papranueshme dhe kriminale propaganda cinike e Belinda Ballukut me fermerët e luleshtrydheve në Kafaraj. Në vend që t’u japë zgjidhje fermerëve që protestojnë për zhvlerësimin e punës së tyre nga luleshtrydhet me pesticide të importit, bën sikur nuk ka ndodhur asgjë pak ditë më parë. 90% e tokave këtu mbillet me luleshtrydhe, por ndihma e shtetit është 0. Qeveria nuk ka asnjë meritë për asnjë histori suksesi të fermerëve të luleshtrydheve në tregun europian. Dështimi nuk mund të mbulohet me propagandë! Në 11 Maj fermerët votojnë për PD! Për subvencionimin e prodhimit! Për shpërblimin e punës së tyre! Për mirëqenien e familjeve të tyre!

gazment bardhi belinda balluku