Ministri i Jashtëm i Ukrainës: Nuk kemi dëgjuar asgjë nga Moska për zgjatjen e armëpushimit

UKRAINË- Ministri i Jashtëm ukrainas Andriy Sibikha tha se Kievi nuk ka dëgjuar ende asgjë nga Rusia për një zgjatje të mundshme të armëpushimit, pasi afati skadon pas disa orësh. Kujtohet se më herët gjatë ditës së sotme, zëdhënësi i Kremlinit Dmitry Peskov tha se presidenti rus Vladimir Putin nuk ka dhënë urdhër për zgjatjen e armëpushimit të Pashkëve në Ukrainë.

Vihet re se “armëpushimi i Pashkëve” i shpallur dje nga presidenti rus Vladimir Putin pritet të përfundojë sot në mesnatë. Sipas BBC, Sibiha tha gjithashtu se Ukraina ka propozuar zgjatjen e armëpushimit përtej mesnatës dhe është e hapur për një armëpushim të plotë 30-ditor "nëse Rusia i përgjigjet" këtij propozimi.

“Nuk kemi dëgjuar ende asgjë nga Moska”, tha ai.

Në të njëjtën kohë, presidenti ukrainas Volodymyr Zelensky tha më herët sot se fjalët e Putinit janë "boshe" dhe foli për më shumë se 46 sulme ruse që nga fillimi i ditës. Ministria ruse e mbrojtjes, nga ana e saj, akuzoi gjithashtu Ukrainën për kryerjen e qindra sulmeve me dronë në territorin e saj.

andriy sibikha vladimir putin dmitry peskov