Misioni i Vëzhgimit të Zgjedhjeve të OSBE/ODIHR shkon në KQZ, ja çfarë u diskutua në takimin me Celibashin

pamje nga takimi

TIRANË- Misioni i Vëzhgimit të Zgjedhjeve të OSBE/ODIHR të kryesuar nga ambasadori Lamberto Zanier ka shkuar sot në KQZ ku kanë zhvilluar takim me kryekomisionerin Ilirjan Celibashi. 

Në postimin e KQZ në rrjetet sociale bëhet me dije se gjatë takimit u prezantua një tablo e plotë e përgatitjeve për zgjedhjet e 11 majit, procesin e regjistrimit dhe ecurinë e procesit të votimit nga jashtë. Gjithashtu bëhet me dije se diskutimi u fokusua edhe te masat për të garantuar integritetin e procesit dhe transparencën e administrimit zgjedhor.

Në njoftim thuhet se misioni i OSBE/ODIHR është informuar mbi përpjekjet institucionale të KQZ bashkë me SPAK dhe Prokurorinë e Përgjithshme për të luftuar krimet zgjedhore dhe shmangien e përdorimit të burimeve shtetërore në fushatë.

Gjithashtu thuhet se Misioni i Vëzhgimit të OSBE/ODIHR zhvilloi takime edhe me trupat e tjera të KQZ-së, përfshirë Komisionin Rregullator dhe Komisionin e Ankimimeve dhe Sanksioneve, për të siguruar një vëzhgim të plotë dhe gjithëpërfshirës të procesit zgjedhor.

POSTIMI I KOMISIONIT QENDROR TË ZGJEDHJEVE:

Takimi i Misionit të Vëzhgimit të Zgjedhjeve të OSBE/ODIHR me KQZ

Sot, në KQZ Shqiperi, mikpritëm në takim delegacionin e Misionit të Vëzhgimit të Zgjedhjeve të OSBE/ODIHR, të kryesuar nga Ambasadori Lamberto Zanier.

Gjatë takimit, prezantuam një tablo të plotë të përgatitjeve për zgjedhjet e 11 majit 2025, procesin e regjistrimit dhe ecurinë e procesit të votimit nga jashtë dhe adresuam të gjitha çështjet me interes për ekipin e z. Zanier.

Diskutimi u fokusua edhe te masat për të garantuar integritetin e procesit dhe transparencën e administrimit zgjedhor.

Informuam me hollësi mbi përpjekjet institucionale bashkë me SPAK dhe Prokurorinë e Përgjithshme për të luftuar krimet zgjedhore dhe shmangien e përdorimit të burimeve shtetërore në fushatë.

Në vijim, Misioni i Vëzhgimit të OSBE/ODIHR zhvilloi takime edhe me trupat e tjera të KQZ-së, përfshirë Komisionin Rregullator dhe Komisionin e Ankimimeve dhe Sanksioneve, për të siguruar një vëzhgim të plotë dhe gjithëpërfshirës të procesit zgjedhor.

KQZ mbetet e angazhuar për një proces zgjedhor transparent dhe të besueshëm!

ilirjan celibashi misioni i osbe/odihr ne shqiperi