Mori leje për t'u betuar si eurodeputet në PE, Fredi Beleri kthehet në burgun e Fierit për të kryer dënimin

Beleri

FIER- Eurodeputeti i "Demokracisë së Re", Fredi Beleri është paraqitur pasditën e sotme në ambientet e burgut të Fierit. Beleri rikthehet në burg 5 ditë pasi mori leje për të bërë betimin e tij si eurodeputet në Strasburg.

Pasi doli nga burgu Beleri udhëtoi drejt Athinës ku u prit me brohoritje dhe duartrokitje ndërsa u takua edhe me kryeministrin grek, Kyriakos Mitsotakis. Më pas ai ka shkuar drejt Strasburgut ku bëri edhe betimin si eurodeputet. Gjatë këtyre 5 ditëve të lirisë Beleri ka zhvilluar disa intervista me mediat greke ku u shpreh se do të rikthehej në burg për të kryer pjesën tjetër të dënimit. Beleri u shpreh se nuk do ti japë askujt kënaqësisnë për tu marrë masa të tjera ndaj tij nëse ai nuk rikthehej në burg. 

Fredi Beleri u zgjodh eurodeputet i kandiduar nga Demokracia e Re në zgjedhjet europiane të 9 qershorit. Pas dënimit nga Apeli me 2 vite burg për korrupsion zgjedhor, Komisioni Qendror i Zgjedhjeve i hoqi Belerit mandatin e të zgjedhurit si kryetar bashkie në Himarë dhe më pas presidenti i Republikës shpalli zgjedhjet e pjessmeshme për kreun e kesaj bashkie më 4 gusht të këtij viti.

fredi beleri