Policia përdori gaz lotsjellës dhe autobotë me ujë me presion të martën për të shpërndarë protestuesit n&eum...
POLITIKE
"Narkoshteti në shënjestër të SHBA-ve"/ PD përshëndet mesazhin e zyrtarit të lartë të DASH: Denoncim për regjimin e Ramës
r.llPërditësimi i fundit 31 Maj 2025, 21:24
selia e pd
TIRANË- Partia Demokratike ka përshëndetur mesazhin e zyrtarit të DASH, Samuel Samson, i cili u publikua një ditë më parë nga ambasada amerikane në Tiranë në rrjete sociale.
Në deklaratë thuhet se kauzat e PD-së, "të ripërmbledhura nga Samson dhe të ritheksuara nga Ambasada e SHBA për rastin e Shqipërisë", janë një denoncim për qeverisjen aktuale. Më tej PD thekson nevojën që sipas tyre shpreh edhe rezoluta e sapomiratuar e IDC-CDI: një qeveri teknike për zgjedhje të lira.
DEKLARATA E PARTISË DEMOKRATIKE:
Partia Demokratike përshëndet mesazhin e Këshilltarit të Lartë në Byronë për Demokraci, të Drejtat e Njeriut dhe Punën (DRL) në Departamentin e Shtetit të Shteteve të Bashkuara, z. Samuel Samson, të përcjellë nga Ambasada e SHBA në Tiranë. Në këtë mesazh, qendrimi i Shteteve të Bashkuara për liritë e individit, i shprehur qartë si nga Presidenti Trump, nga Zv. Presidenti JD Vance dhe nga Sekretari Rubio, rezonon fuqishëm me kauzat e Partisë Demokratike dhe me gjendjen e Shqipërisë.
Të ripërmbledhura nga z. Samson dhe të ritheksuara nga Ambasada e SHBA për rastin e Shqipërisë, janë një denoncim për narkoregjimin e Edi Ramës. Kjo, sepse është fakt i pamohueshëm se në të katër kolonat e mesazhit- “Shtypja e fjalës, lehtësimi i emigrimit masiv, shënjestrimi i shprehjes së besimit dhe minimi i zgjedhjes elektorale” - mbështetet narko-regjimi i Edi Ramës dhe qeverisë së tij, përmes bashkëpunimit me patronazhistët dhe kartelët e drogës.
Ato kërcënojnë opozitën, demokracinë, vetë shoqërinë në tërësi dhe, siç me të drejtë vëren z. Samson, “vetë themelet e partneritetit transatlantik.”
Partia Demokratike, duke qenë mirënjohëse për kohën dhe dinjitetin universal të mesazhit të Departamentit të Shtetit, thekson nevojën që shpreh edhe Rezoluta e sapomiratuar e IDC-CDI: një qeveri teknike për zgjedhje të lira. Ajo u garanton partnerëve tanë se mbetet e vendosur për rikthimin e shtetit ligjor dhe të zgjedhjeve të lira në Shqipëri.
Ambasada e SHBA-së në Tiranë ndau dje në rrjetet sociale një shkrim të publikuar në faqen zyrtare të Departamentit Amerikan të Shtetit. Shkrimi që ka autor Samuel Samson, i cili është këshilltar i Lartë për Byronë për Demokraci, të Drejtat e Njeriut dhe Punë, përcjell një mesazh për marrëdhënien dhe aleancën mes Shteteve të Bashkuara të Amerikës dhe Evropës. Ai shprehet se partneriteti mes SHBA dhe Evropës duhet të bazohet në trashëgiminë e përbashkët dhe jo në konformizmin globalist. Ambasada e ka shoqëruar ripostimin e shkrimit të Samson me fjalët: "Shtypja e fjalës, lehtësimi i emigrimit masiv, shënjestrimi i shprehjes së besimit dhe minimi i zgjedhjes elektorale kërcënojnë vetë themelet e partneritetit transatlantik."
