"Në Itali shkoi të sulmonte Greqinë", Berisha: Rama u përmendi italianëve bukën që u kanë dhënë shqiptarët! Përmendu pak edhe krimet e etërve të tu shpirtëror

Foto ilustruese

TIRANË- Kreu i Partisë Demokratike, Sali Berisha gjatë fjalës së tij para mbështëtësve poshtë pallatit ka komnetuar takimin e zhvilluar sot në Milano nga kryeministri Rama me shqiptarët e diasporës në Itali. Berisha gjatë fjalës së tij u shpreh se Rama shkoi në Itali për të sulmuar Greqinë me me mentalitetet enveriste të turpshme, të ndryshkuara, jashtë kohe.

Ai më tej shtoi se duhet të jesh i rrjedhur të hedhësh baltë mbi një vend fqinj, në të cilin jetojnë mbi 1 milionë shqiptarë. Berisha tha se meqenëse Rama u përmendi italianëve bukën që u kanë dhënë shqiptarët dhe përçjelljen që u kanë bërë, kryeministri të përmendi edhe krimet monstruoze të luftës që kryen etërit e tij shpirtëror për tu marrë një uniformë, një palë këpucë, një rrip pantallonash. 

Fjala e plotë:

Në Itali, Milano, shkove për të sulmuar Greqinë me mentalitetet enveriste të turpshme, të ndryshkuara, jashtë kohe. Duhet të jesh i rrjedhur të mendosh se mund të turpërosh Greqinë, se ti mund të hedhësh baltë mbi një vend fqinj, në të cilin jetojnë mbi 1 milionë shqiptarë, dhe në të cilin me gjithë problemet që ndodhin mes fqinjëve në 30 vite, ka ndihmuar Shqipërinë në të gjithë proceset e integrimit, në të gjithë rrugën e saj të ndërtimit të ekonomisë së tregut dhe sistemit demokratik.

Por ti mafioz që nuk ke nder as dinjitet, nuk njeh parim e as standard, sulmon Greqinë për interesa mafiozeve të tuat dhe klaneve të tua. A nuk ishe ti që dy ditë më parë shkove u bëre dëshmitar i rremë i Olta Xhaçkës, dëshmitar i rremë i trafikantëve të tu, që plaçkisin, grabisin pronat e banorëve të bregut. O turp, nuk mund të kesh emër tjetër përveç emrit të Edi Ramës. Në Itali, u the italianëve se atyre që kishin mbetur në Shqipëri, i mbajtëm, i ushqyem dhe i përcollëm.

Por e vërteta është se familje bujare, fisnike shqiptare e kanë kryer këtë gjest. Por baballarët tuaj Edi Rama, serial killer, Mehmet Shehu ka ekzekutuar me dorë të tij, në shkelje flagrante të të gjithë konventave me qindra rob italian, lufte. Kërkoju të falur o faqezi, se robtë e lftës, ata që vrasin robtë të luftës, kryejnë krime lufte dhe ato nuk shlyhen kurrë.

Prandaj, meqenëse u përmende italianëve bukën që u kanë dhënë shqiptarët dhe përçjelljen që u kanë bërë, përmendi pak edhe krimet monstruoze të luftës që kryen etërit e tu shpirtëror, vetëm e vetëm, për tu marrë një uniformë, një palë këpucë, një rrip pantallonash. O kriminel mos mbro kriminelët, denonco krimin, por nuk bëhesh dot.

berisha edi rama ne itali