Revolta studentore është rikthyer edhe në qytetin bregdetar, ku studentët e Universitetit të Durrësit kanë bojkotuar më...
POLITIKE
"Në zgjedhjet e ardhshme, të shmangim një rezultat që mund të kontestohet", Gonzato: Të lejojmë SPAK të beje punën e vet
M.B.Përditësimi i fundit 10 Korrik 2024, 22:14
Silvio Gonzato
SHKODRA- Ambasadori i Bashkimit Europian në Shqipëri, Silvio Gonzato ka deklaruar nga Shkodra se Reforma në Drejtësi e vitit 2016 është duke funksionuar. Gonzato ka thënë se duhet të lejojmë SPAK të bëjë punën, duke i lënë hapësirë. Ai ka shtuar se lidhur me reformën Zgjedhore duhet të ndiqen rekomandimet e OSBE.
Ambasadori thotë se shpreson që partitë do gjejnë rrugën në përgjigje të pritshmërive të qytetarëve shqiptarë. Sipas ambasadorit, zgjedhjet e ardheshme duhet te shmangim një rezultat elektoral, i cili mund të kontestohet. Sipas Gonzatos, këto janë kohë vendimtare ku negociatat me BE-në shkojnë në një fazë të caktuar.
Pjesë nga fjala e Ambasadorit të BE-së:
Ne nuk flasim për hetime që po zhvillohen, por mund të them se ajo që po ndodh është ajo që ne kemi pritur. Dhe natyrisht se Reforma në Drejtesi e vitit 2016 është duke funksionuar. Ne duhet të lejojmë SPAK të bëjë punën e vet, të krijojmë hapësirën që ta bëjne këtë. Në të njëjtën kohë mund të them se ndoshta ajo reformë siguron se sistemi gjyqësor është i pavarur, i pavarur nga ndikimi politik. Dhe që është problemi që të gjithë e dimë që është pengesa kryesore, e Shqipërisë në rrugën drejt BE e ky është korrupsioni.
Mendoj se është sinjal i mirë, unë besoj dhe shpresoj se SPAK do bëjë punën e tij. Po gjithashtu ne po shohim jo vetëm njërën anë, atë të atyre që denohen për korrupsion, por edhe anën tjetër atë të strukturës së korrupsionit, cila është klima që krijon mundësitë për korrupsion dhe të adresohen. Kështu që unë mendoj se duhet të hapim spektrin dhe ta adresojmë këtë në mënyrën më strukturuese.
Kjo është dicka që më ka preokupuar që në fillim kur erdha në Shqipëri dhjetorin e kaluar. Dhe unë e kam bërë të qartë qëndrimin tim, bazuar edhe dokumentin zyrtar tonin është e rëndësishme të ndjekin rekomandimet e OSBE dhe të bëhet në mënyrë gjithëpërfshirese. Kam shpresuar se kontaktet me partitë e ndryshme do jepnin rezultat. Gjithashtu tani di se janë edhe disa çështje tjera që duhen adresuar që është vendimi i kushtetueses, i cili duhet parë sërish.
Unë ende shpresoj që partitë do gjejnë rrugën, në përgjigje të pritshmërive të qytetareve shqiptar. Dhe të sigurojnë se zgjedhjet e ardhshme të zënë vend në klimën me favorshme të mundshme. Ne duam të shmangim një rezultat elektoral i cili ndoshta kontestohet, por që prodhojnë një stabilitet që Shqipërisë i duhet në rrugën drejt BE-së. Këto janë kohë vendimtare ku negociatat me BE-në shkojnë në një fazë të caktuar dhe ne na nevojiten kapacitet administrativ, dhe vendosmëri politike për integrimin europian.
