Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
"Një Fidel, një deputet i kënetës, hajde çyryk hajde"/ Rama nga Maliqi: Thonë 'Rama ofendon burrat', ama gjysma e tyre nuk janë mirë
m.lPërditësimi i fundit 19 Prill 2025, 12:45
MALIQ- Kryeministri Edi Rama po zhvillon një takim me qytetarët në Maliq ditën e sotme. Gjatë fjalimit të tij nuk kanë munguar ironitë për deputetin e këtij qyteti nga Rama, që tha se i kishin treguar një video të tij disa çaste më parë. Rama kujtoi më tej se të tjerët i përmendin faktin që ai ofendon burrat por ai shtoi se këtë gjë e bën sepse Partia Socialiste mbështëtet nga 56 përqind e vajzave dhe grave të Shqipërisë.
Rama bëri një krahasim të burrave që mbështesin 'kënetën' duke thënë që në këtë rast jemi ngusht me to sepse gjysma e burrave nuk janë mirë.
"Si mund të shkohet në kënetë çfarë ka atje se më tregonin një video pak më parë, një deputet këtu i kënetës një Fidel Fidel, hajde hajde, hajde mendje hajde, hajde muhabete hajde, hajde çyryk hajde. Por kur thonë Rama ofendon burrat se u thotë çyryk, e them unë po prit, unë them kështu “PS nuk mundet dot, është e kotë, sepse PS e mbështesin 56% e grave dhe vajzave të Shqipërisë”.
Ndërkohë që tek burrat jemi më ngushtë në diferencë me kënetën sepse gjysma e burrave nuk janë mirë, mund të jenë në rregull në punën e përditshme, dalin shkojnë, ja ai i farmacisë atje më duket se është i PD-së, shet ilaçet, është në rregull, por po hyri tek politika është çyryk ai nuk sheh, nuk kupton. Do kënetën ai është çyryk, më pëlqen sepse ngrihen ata deputetët dhe thonë s’jemi çyryk, por si mund ta thotë “ai që thotë nuk jam, vetëm çyryk është”, tha Rama.
