Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
‘Një spekulator 2 lekësh'/ Garo: Studentët e refuzojnë, Rama sajon takime me ‘studentë të shpikur’ për të shpëtuar karrigen e pushtetit!
PiranjatPërditësimi i fundit 21 Tetor 2026, 19:49
Zëdhënësja e Partisë Demokratike, Floriana Garo, ka akuzuar Edi Ramën se po inskenon takime për të shmangur refuzimin e studentëve, të cilët nuk kanë pranuar të ulen në karriget e vendosura prej tij për dialog.
Në një deklaratë për mediat, Garo u shpreh se Rama, pasi u refuzua për herë të dytë nga studentët, inskenoi dy takime brenda ditës, njëri me një të ri në karrige me rrota dhe tjetri me një person që PD e cilëson si ‘student të shpikur’.
Ajo rikujtoi edhe një rast të dy muajve më parë, kur, sipas saj, kryeministri ishte tallur publikisht me një të ri me autizëm dhe nënën e tij. Garo e cilësoi takimin e sotëm me një të ri me aftësi të kufizuara si një përpjekje për të krijuar një imazh të rremë, në një moment kur Rama po përballet me refuzimin e protestuesve.
Garo theksoi se refuzimi i studentëve e ka detyruar kryeministrin, sipas saj, të sajojë takime për të krijuar përshtypjen se dialogu po vijon.
Deklarata e zëdhënëses së PD, Floriana Garo:
Edi Rama, me të cilin nuk pranon të flasë askush, ka filluar të flasë me vete. Dy herë brenda ditës sot, pasi u refuzua për herë të dytë nga studentët, ai inskenoi 2 takime. Të parin me një të ri në karrige me rrota dhe të dytin me një ‘student të shpikur’.
Mos harroni se po ky njeri, vetëm dy muaj më parë tallej publikisht me një të ri me autizëm dhe nënën e tij.
Sot priti në zyrë një të ri, me një përvujtni false, sikur të ishte Shën Francesku.
Zoti e faltë se nuk di më çfarë bën për të mbajtur pushtetin!
Një video e dytë, e shpërndarë nga Rama sonte ishte një fyerje tjetër për të rinjtë studentë që janë ndërkohë duke protestuar para zyrës së tij për të tetën ditë.
Rama kishte montuar një të ri sikur ai po i bënte pyetje dhe ky i përgjigjej. I riu ishte ulur në një karrige të kuqe te trotuari para Kryeministrisë, ku studentët e vërtetë nuk pranuan të ulen, as dje as sot.
Ku e ka lëshuar veten ky njeri?
Kur studentët e refuzojnë, ai shpik një student.
Pasi i ka sharë njerëzit me aftësi ndryshe, fton një prej tyre kur është në hall.
Të dashur studentë dhe të rinj: ky është Edi Rama, që ju e njihni mirë dhe prandaj e refuzoni.
Një spekulator 2 lekësh që është gati të bëjë çdo gjë për karrigen e tij.
Mirënjohje për revoltën dhe qëndresën tuaj, dhe për faktin se duke mos u ulur në karriget mashtruese që ai u ofron, ekspozoni se çfarë është gati të bëjë ai për të mbajtur karrigen e vet!
Bashkohuni me studentët në protestën kombëtare, të shtunën më 24 tetor, ora 10.00 te Kryeministria!
