Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Nuk është i pamundur anëtarësimi në BE brenda 2030", presidentja sllovene: Më gëzon lufta kundër korrupsionit, SPAK ka besim të çmuar
M.B.Përditësimi i fundit 23 Maj 2024, 11:55
Natasa Pirc Musar
TIRANA- Presidentja e Sllovenisë, Natasa Pirc Musar tha sot gjatë një konference për shtyp së bashku me presidentin Bajram Begaj se Shqipëria ka shënuar sukses në luftën kundër korrupsionit. Musar tha se për Shqipërinë, nuk është e pamundur që të anëtarësohet në Bashkimin Evropian brenda vitit 2030. Ajo konfirmoi mbështetjen e Sllovenisë për Shqipërinë në proceset integruese teksa shtoi se mund të bëhet më shumë sa i përket marrëdhënies mes dy vendeve.
“Jam shumë e kënaqur që sot jam në Tiranë, kam thënë se shteti juaj dhe ju do të keni një vend të posaçëm në zemrën time. Në fokus të dy viteve të para, kam vendosur të jetë Ballkanin Perëndimor. Sllovenia beson se vendi i Ballkanin Perëndimor është në Bashkimin Evropian. Isha shumë e kënaqur me fjalët e Charles Michel në Bled vitin e kaluar, se Bashkimi Evropian do duhet të pranonte shtetet deri në 2030. Për Shqipërinë kjo nuk është e pamundur.
Më gëzon lufta kundër korrupsionit, SPAK ka besim të çmuar. Asnjë shtet nuk është imun ndaj korrupsionit dhe krimit, as shteti im. Rolet bilaterale mes Shqipërisë dhe Sllovenisë, nuk kemi pika të hapura, por të dy jemi kryetarë, jemi të bindur se mund të bëjmë edhe më shumë. Jam e gëzuar që në Sllovenë vijnë çdo ditë e më shumë në Shqipëri. Vitin e kaluar ishin 20 mijë. Numri i madh i turistëve sjell edhe përgjegjësi edhe më të madhe”, tha Musar.
