Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
"Nuk kishte asgjë vëllazërore në atë mes!" Kuvendi i përbashkët Kosovë-Shqipëri/ Gërvalla: Fjalimi i Ramës, fushatë kundër "Qeverisë Kurti"
M.B.Përditësimi i fundit 20 Dhjetor 2024, 20:58
KOSOVA- Ministrja e Punëve të Jashtme dhe Diasporës, Donika Gërvalla, ka kritikuar fjalimin e kryeministrit Edi Rama, mbajtur në seancën e përbashkët të Kuvendeve të Kosovës dhe Shqipërisë. Në emisionin “DPT te Fidani” Gërvalla e quajti këtë fjalim si një fushatë kundër Qeverisë Kurti dhe tha se Rama ka keqpërdorur foltoren e Kuvendit të Kosovës.
Sipas Gërvallës, fjalimi i Ramës nuk ishte në harmoni me atmosferën e pritshme dhe ai e keqpërdori mikpritjen e Kosovës dhe të delegacionit të tij. Në lidhje me kërkesën e Ramës për implementimin e marrëveshjes së Ohrit, Gërvalla e quajti këtë një tentativë për të shtuar presion ndaj Kosovës. Ajo deklaroi se kjo kërkesë nuk kishte aspak karakter vëllazëror, pasi, sipas saj, brenda një familjeje konsultimet bëhen në mënyrë private, jo përmes mikrofonave.
“Nëse ai ka ardhur për të bërë fushatë, duhet ta bëjë këtë në mënyrë transparente dhe jo përmes foltores së Kuvendit. Nuk kishte asgjë vëllazërore në atë mes, sepse brenda familjes njeriu konsultohet me anëtarët e saj dhe nuk del para mikrofonave për të dhënë këshilla vëllazërore. Sigurisht, ishte një formë shtimi të presionit ndaj Republikës së Kosovës për të implementuar njëanshëm", tha Gërvalla.
