"Jeni shpresa e fundit për Shqipërinë", PD takime me emigrantët shqiptarë në Verona dhe Pisa: Koha që zëri juaj të dëgjohet!

ITALI- Deputetë të Partisë Demokratike kanë zhvilluar ditën e sotme takime me emigrantët në Itali dhe Greqi në kuadër të zgjedhjeve të 11 majit. Deputeti i Partisë Demokratike, Dashnor Sula ka zhvilluar një takim me shqiptarët në Verona të Italisë. Gjatë fjalës së tij Sula u shpreh se emigrantët janë shpresa e fundit për Shqiperinë.

“Ju jeni shpresa e fundit për Shqiperinë, ju jeni shpresa e fundit për nënën tonë që na ka rritur e na ka ushqyer dhe që do e duam gjithë jetën tonë,” ju drejtuar Sula diasporës në Verona, duke theksuar rëndësinë e angazhimit të tyre në këto zgjedhje.  

Takimi me shqiptarët në Verona mësohet se u organizua nga Agron Sefa, Gezim Dyrmishi, Besa Gjeçi, Ilir Bushi, Vullnet Uruçi, Bujar Dedja, Endi Farruku. Edhe koordinatorja Kombëtare për Diasporën në PD, Jozefina Topalli ka zhvilluar një takim me shqiptarët në Pisa të Italisë. Gjatë fjalës së saj, Topalli theksoi se kjo është koha për të marrë në dorë fatin e atdheut. Ajo theksoi se Shqiperia ka nevojë për emigranëtët.

“Shqipëria ka nevojë për ju! Për ndershmërinë, për guximin, për idealet tuaja! Është koha që zëri juaj të dëgjohet, është koha për të marrë në dorë fatin e atdheut tonë! Le të bëhemi bashkë! Le të ngrihemi me forcën e besimit, me energjinë e guximit dhe me dashurinë për Shqipërinë”, u shpreh Topalli. Topalli ka shprehur falenderime për pjesëmarrësit dhe organizatorët, Alba Kepi anëtare e Këshillit Bashkiak Tiranë, Çim Hoxha, Ferdi, Alexi, Dervishi etj…

dashnor sula jozefina topalli pd takim me shqiptaret ne itali