Numërohen gati një e treta e votave, PS ruan kryesimin me 52.77%

TIRANË- Shqipëria zhvilloi në 11 maj zgjedhjet për Kuvendin e Shqipërisë. Pjesmarrja, sipas të dhënave paraprake nga Komisioni Qendror i Zgjedhjeve (KQZ) ka rezultuar 42.16%, më e ulëta historike.

Ndërkohë të hënën në mëngjes ka filluar nxjerrja e rezultateve nga KQZ, Deri në orën 9 të mëngjesit ishin numëruar 1654 nga 5225 kuti votimi gjithsej, ose 31.7% e kutive gjithsej. Të dhënat e deritanishme tregojnë për një fitore të thellë të Partisë Socialiste, që deri tani ka marrë rreth 220.5 mijë vota, ose 52.77% të totalit.

Në vend të dytë është Partia Demokratike, me 143 mijë vota, ose 34.23% të totalit. Forcë e tretë është  Partia Socialdemokrate me 16 mijë vota, ose 3.86% të totalit. Koalicioni Nisma Shqipëria Bëhet është forcë e katërt me 14.3 mijë vota ose 3.43%.

Partia Mundësia ka marrë 10.9 mijë vota ose 2.61%. Lëvizja Bashkë ka marrë 5.2 mijë vota ose 1.25%. Partia Koalicioni Euroatlantik ka 4.6 mijë vota ose 1.12%. Partitë e tjera kanë më pak se 1% të totalit të votave të numëruara deri tani.

Këtyre votave pritet tu shtohen dhe ato të emigrantëve që votuan për herë të parë këtë vit, por që nuk pritet të kenë ndikim të dukshëm në ndryshimin e rezultateve. Kushti për të hyrë në Kuvend është që një parti të marrë të paktën 1% të votave të përgjithshme. Partia Socialiste dominon dhe në qarqe, teksa demokratët kryesojnë vetëm në Kukës e Shkodër./ Monitor