Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Pamja e Ilir Metës në gjyq ngjalli debat në rrjet, reagon Monika Kryemadhi
PiranjatPërditësimi i fundit 1 Maj 2026, 15:25
Pas reagimeve të shumta në media dhe rrjete sociale për pamjen e ish-presidentit Ilir Meta gjatë seancës së fundit gjyqësore, ka ardhur një deklaratë e fortë nga Monika Kryemadhi, e cila ka komentuar ndryshimet fizike të tij dhe rrethanat e procesit.
Në një intervistë për mediat, Kryemadhi tha se transformimi i tij fizik nuk lidhet me gjendje shëndetësore të rënduar, por me kushtet e izolimit, të cilat sipas saj kanë ndikuar në rënien në peshë dhe pamjen e lodhur.
Ajo theksoi se mungesa e ajrit të pastër dhe e ekspozimit në diell kanë ndikuar drejtpërdrejt në gjendjen e tij fizike.
“Po të shohësh posturën e Ilir Meta është më i drejtë se ç’e ka patur. Kostumin e ka patur 56, duhet ta kishte 52. Nga mendja dhe të shprehurit ishte snajper. Nga imazhi dukej i pagjumë, i bardhë, nuk del në diell dhe ky është një nga problemet që ka,” u shpreh ajo.
Një tjetër detaj që Kryemadhi kritikoi ishte mbajtja e ish-kreut të shtetit në një “kafaz” xhami gjatë seancës, të cilën e cilësoi si masë ekstreme dhe denigruese. Ajo e krahasoi këtë situatë me raste të rënda ndërkombëtare, duke pretenduar se një trajtim i tillë nuk i përket një figure politike.
Sipas saj, procesi ndaj Ilir Meta është politik dhe i ndikuar nga institucione të drejtësisë dhe aktorë ndërkombëtarë, duke e cilësuar atë si një “goditje të stisur”.
Pavarësisht situatës, Kryemadhi tha se ruan respektin për të si prind i fëmijëve të saj. Ajo tregoi gjithashtu se familjarët e tij e vizitojnë një herë në javë dhe i dërgojnë ushqime, duke u përpjekur të ruajnë një rutinë sa më normale në këto rrethana.
